پاک سر زمین پارٹی (پی ایس پی) کے سربراہ مصطفیٰ کمال کا کہنا ہے کہ میرے کارکن ڈٹے ہوئے ہیں۔

تفصیلات کے مطابق سربراہ مصطفیٰ کمال نے کانفرنس سے خطاب کرتے ہوئے کہا کہ یہ کوئی علامتی دھرنا نہیں ہے، اب تو دن کا بھی یاد نہیں۔

مصطفیٰ کمال نے کہا کہ میرے کارکن ڈٹے ہوئے ہیں، اس دھرنے میں ایک منٹ کے لئے بھی وقفہ نہیں دیا گیا ہے۔

پاک سر زمین پارٹی کے سربراہ کا کہنا تھا کہ میری مائیں بہنیں سڑکوں پر سو رہی ہیں، یہ کوئی پوائنٹ اسکورنگ نہیں ہے۔

مصطفیٰ کمال نے کہا کہ ہم ازاد ملک میں رہتے ہیں، شہریوں کی ازادی صرف ائین میں لکھی ہے، لیکن عمل در امد نہیں ہورہا۔

مصطفیٰ کمال کا کہنا تھا کہ سالانہ سندھ کو 1000ارب ملتے ہیں ، 200ارب سندھ خود کماتا ہے ، ہم چاہتے ہیں مالی طور پر مستحکم ہو۔

انہوں نے کہا کہ  مذاکرات کے  دن دور ہوگئے ، ہم کارپوریشن  کو نہیں مانتے ، ایسا میئر کس کام کا نہیں جس کے اختیار میں کچھ نہ ہو۔

مصطفیٰ کمال نے کہا کہ میرا کسی سے کوئی مقابلہ نہیں، پی ایس پی کے معالات  جماعت اسلامی سے الگ ہیں۔

واضح رہے کہ پاک سرزمین پارٹی (پی ایس پی) کا بااختیار بلدیاتی نظام کے لیےدھرنا تیسرے روز بھی جاری ہے۔

 دھرنے میں سید مصطفیٰ کمال اور انیس قائم خانی سمیت پارٹی رہنما اپنے اہل خانہ کے ہمراہ موجود ہیں جبکہ عوام کی بڑی تعداد بھی دھرنے میں موجود ہے۔

مختلف برادریوں، تاجر انجمنوں، شہری عمائدین اور مختلف شعبہ ہائے زندگی سے تعلق رکھنے والے افراد کی آمد کا سلسلہ جاری ہے۔