سعودی عرب میں برفباری، موسم انتہائی خوشگوار ہو گیا

ویب ڈیسک

01st Feb, 2022. 08:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب میں برفباری، موسم انتہائی خوشگوار ہو گیا

سعودی عرب کے شہر تبوک میں برفباری کے بعد موسم انتہائی خوشگوار ہو گیا ۔

تفصیلات کے مطابق تبوک ریجن میں برفباری نے موسم کو یکسر تبدیل کردیا ہے، سیاح موسم کا مزہ لینے تبوک پہنچ گئے۔

تبوک کے مشہور پہاڑی علاقے اللوز پہاڑ (جبل اللوز) پر برف کی سفید چادر تن گئی ہے جس وجہ سے رات کا درجہ حرارت منفی 2 ڈگری تک ہوجاتا ہے ۔

ٹھنڈے موسم کا مزہ لینے کے لیے بڑی تعداد میں سعودی سیاحوں کے ساتھ ساتھ جدہ اور ریاض میں مقیم پاکستانی سیاحوں نے بھی وہاں پہنچ کر خوب ہلہ گلہ کیا ۔

جدہ سے آئے ہوئے سیاحوں نے بتایا وہ حسین مناظر سے بہت لطف اندوز ہو رہے ہیں اور یہاں آکر ان کی ساری تھکن اتر گئی ہے ۔

انہوں نے دوسرے آنے والے سیاحوں سے کہا کہ وہ یہاں آنے سے پہلے گرم کپڑوں کا انتظام ضرور کر کے آئیں ۔

تبوک میں اسلامی تاریخی مقامات بھی دیکھنے سے تعلق رکھتے ہیں جن میں مغایر شعیب یا مدائن شعیب سیاحوں کا پسندیدہ ترین مقام ہے جو قبل مسیح کے دور کے ہیں ۔

اس علاقے میں پہاڑوں میں تراشے ہوئے مکانات بھی دیکھنے سے تعلق رکھتے ہیں۔ ان گھروں کے دروازوں پر جمالیاتی شکلیں بنی ہوئی ہیں۔