یوم یکجہتی کشمیر، وفاقی دارالحکومت میں سرکاری سطح پر بھر پور تیاریاں

ویب ڈیسک

04th Feb, 2022. 10:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوم یکجہتی کشمیر، وفاقی دارالحکومت میں سرکاری سطح پر بھر پور تیاریاں

یوم یکجہتی کشمیر کا دن منانے کے لیے وفاقی دارالحکومت اسلام آباد میں سرکاری سطح پر بھر پور تیاریاں کی جارہی ہیں۔

تفصیلات کے مطابق پارلیمنٹ کے سامنے ڈی چوک پر حریت رہنماوں تصاویر کے بینرز آویزاں کیے گئے جبکہ ڈپلومیٹک انکلیو گیٹ پر بھارتی فورسز کے تشدد سے پیلٹ گن متاثرین کی تصاویر بھی آویزاں کی جائیں گی۔

اسکے علاوہ کشمیر ہائی وے سرینا چوک، کلب روڈ پر پاکستانی و کشمیری پرچم آویزاں کیے جائیں گے۔

سرکاری اسکول، کالجز میں تقاریب کی تیاریاں بھی کی جارہی ہیں جبکہ اسکول اور کالجز کے گیٹ پر کشمیری بہن بھائیوں کے ساتھ اظہار یکجہتی کے بینرز بھی لگائے جائیں گے۔

واضح رہے کہ 5 فروری کو ہر سال کشمیری عوام سے اظہار یکجہتی کے لیے پاکستان سمیت دنیا بھر میں یوم یکجہتی کشمیر منایا جاتا ہے۔

پاکستان میں یوم یکجہتی کشمیر کا دن منانے کا آغاز 1991 میں کیا گیا تھا جب پاکستان کی پوری سیاسی قیادت نے متفقہ طور پر بھارتی مقبوضہ جموں و کشمیر کے مظلوم عوام کے ساتھ یکجہتی کا اظہار کیا گیا تھا۔