ڈاکٹر شہباز گل نے کہا ہے کہ فضل الرحمان صاحب ہر جگہ سے رجیکٹ ہو چکے ہیں۔

تفصیلات کے مطابق وزیراعظم کے معاون خصوصی برائے سیاسی ابلاغ ڈاکٹر شہباز گل نے سماجی رابطے کی ویب سائٹ ٹویٹر پر اپنے ایک پیغام میں کہا کہ آج فضل الرحمن صاحب کا ایم کیوایم کے پاس جانے کا مطلب ہے کہ فضل صاحب کو پیپلز پارٹی سے خیر نہیں ملی۔

آج فضل الرحمن صاحب کا MQM کے پاس جانے کا مطلب ہے کہ فضل صاحب کو پیپلز پارٹی سے خیر نہیں ملی۔ PDM ٹوٹ چکی۔فضل صاحب اب کرچیاں اکٹھی کرتے پھر رہے ہیں

انہیں یاد رہے جب مارکیٹ میں ایک دفعہ لوگوں کو کھوٹے سکے کا پتہ چل جائے پھر وہ کہیں بھی نہیں چلتا۔فضل صاحب تو ہر جگہ سے رجیکٹ ہو چکے

Advertisement

— Dr. Shahbaz GiLL (@SHABAZGIL) February 4, 2022

اپنے پیغام میں ڈاکٹر شہباز گل نے کہا کہ پی ڈی ایم ٹوٹ چکی ہے اور اب فضل الرحمان صاحب کرچیاں اکٹھی کرتے پھر رہے ہیں۔

معاون خصوصی برائے سیاسی ابلاغ ڈاکٹر شہباز گل کا مزید کہنا تھا کہ انہیں یاد رہے جب مارکیٹ میں ایک دفعہ لوگوں کو کھوٹے سکے کا پتہ چل جائے پھر وہ کہیں بھی نہیں چلتا پھر فضل الرحمان صاحب تو ہر جگہ سے رجیکٹ ہو چکے ہیں۔

واضح رہے اس سے قبل پی ڈی ایم کے سربراہ مولانا فضل الرحمان نے ایم کیو ایم رہنماؤں کے ہمراہ پریس کانفرنس کرتے ہوئے کہا ہے کہ کسی سیاسی جماعت کو اختیار نہیں کہ قانون کے منافی قانون سازی کرے۔

انہوں نے کہا کہ سیاست خواہشات کی بنیاد پر نہیں ہوتی، سیاست کے اصول ہوتے ہیں آئین اس حوالے سے رہنمائی کرتا ہے، اس وقت ملک میں جو ہورہا ہے یہ پاکستان کہ مفاد میں نہیں، پاکستان کو گروی رکھ دیا گیا ہے۔

مولانا فضل الرحمان نے کہا ہے کہ پورے ملک میں حق کا بول بالا ہوگا، پی ٹی آئی کی اتحادی جماعتیں سیاسی طاقت ہیں، چار سال میں ثابت کردیا کہ ملک پیچھے کی طرف جارہا ہے ، یہ بوجھ اٹھانا مزید ممکن نہیں ہوگا۔

اس موقع پر ایم کیو ایم پاکستان کے رہنما عامر خان نے پریس کانفرنس کرتے ہوئے کہا کہ مولانا فضل الرحمان کے ساتھ احترام اور پیار کا رشتہ ہے۔

انہوں نے کہا کہ سندھ میں بلدیاتی قانون کے حوالے سے اے پی سی بلائی گئی، جے یو آئی نے بھی اے پی سی میں شرکت کی، بلدیاتی قانون کے حوالے سے تمام سیاسی جماعتوں کو ساتھ لیا، ہم صرف کراچی نہیں پورے سندھ کے میئر کی بات کر رہے تھے۔

عامر خان نے کہا کہ پیپلز پارٹی نے اختیارات نچلی سطح تک منتقل نہیں کیے، ہمارے پر امن احتجاج پر لاٹھی چارج کیا گیا، سپریم کورٹ نے بلدیاتی قانون پر فیصلہ سنایا، چاہتے ہیں پیپلز پارٹی سپریم کورٹ کے فیصلے پر عملدرآمد کرے۔