کچھ عرصہ قبل فحش فلمیں بنانے کے کیس میں ضمانت پر رہا ہونے والے بھارتی بزنس مین راج کندرا نے اپنی کروڑوں کی جائیداد اہلیہ شلپا شیٹی کے نام کردی۔

بھارتی میڈیا کے مطابق بھارتی اداکارہ شلپا شیٹھی کے شوہر راج کندرا نے اپنی کروڑوں کی جائیداد اہلیہ کے نام کردی ہے جس میں مختلف مقامات پر فلیٹس سمیت قیمتی گاڑیاں شامل ہیں۔

رپورٹس کے مطابق نامور بزنس مین راج کندرا نے اپنی اہلیہ اور معروف بالی ووڈ اداکارہ شلپا شیٹی کے نام جوہو میں واقع مہنگا ترین بنگلا اور پانچ فلیٹ پر مشتمل ایک اور قیمتی بلڈنگ کی ہے اور یہ پوری رقم 38 کروڑ 50 لاکھ بھارتی روپے بنتی ہے۔

یہ بھی پڑھیں؛ اداکارہ شلپا شیٹھی شوہر راج کندرا سے علیحدگی کا سوچنے لگیں؟

بزنس مین راج کندرا کی جانب سے اپنی اہلیہ شلپا شیٹی کے نام رقم منتقلی کے بعد اداکارہ نے ایک کروڑ 90 لاکھ روپے کا معاوضہ بھی ادا کیا جو جائیداد منتقلی کا دستاویزی معاوضہ تھا۔

واضح رہے بالی ووڈ اداکارہ شلپا شیٹی کے شوہر راج کندرا کو فحش فلمیں بنانے اور انھیں موبائل ایپس پر نشر کرنے کے الزام میں گرفتار کیا گیا تھا ، اس دوران اداکارہ پر بھی فحش مواد بنانے میں ملوث ہونے کا الزام عائد کیا گیا تھا۔

یہ بھی پڑھیں؛ اگر فحش فلموں کے کیس میں راج کندرا کوقید ہوگئی تو شلپا شیٹی کیا کریں گی؟  

بعد ازاں بزنس مین راج کندرا کو عدالت نے 50 ہزار روپے کے ضمانتی مچلکے جمع کروانے کے بعد ضمانت پر رہا کر دیا تھا۔