دنیا میں ایسا کوئی شخص نہیں جو مچھروں کی بھنبھناہٹ اور ان کے کاٹنے سے تنگ نہ ہو۔

یونیورسٹی آف واشنگٹن کے سائنس دانوں کی جانب سے کی جانے ایک نئی تحقیق میں انکشاف ہوا ہے کہ مچھر کچھ مخصوص رنگوں بشمول لال، نارنگی، سیاہ اور سیان کی جانب لپکتے ہیں۔

اس کے برعکس مچھر ہرے، جامنی، نیلے اور سفید رنگ کو نظر انداز کرتے ہیں۔

محققین کا ماننا ہے کہ یہ ہمیں یہ بتانے میں مدد دیتی ہے کہ کس طرح مچھر اپنے شکار کو تلاش کرتے ہیں، چوں کہ انسانی جِلد سے مچھروں کے لیے، تمام رنگ کے پگمنٹس ہونے کے باوجود، واضح سرخ-نارنگی سگنل نکلتے ہیں۔
یونیورسٹی آف واشنگٹن میں بائیولوجی کے پروفیسر اور سینئر مصنف جیفری رائفل کا کہنا تھا کہ مچھر اپنے قریب میں موجود چیزوں میں فرق کرنے لیے بُو کا استعمال کرتے دِکھتے ہیں۔

انہوں نے مزید کہا کہ جب مچھر مخصوص مرکبات کو سونگھتے ہیں، جیسے کہ ہماری سانس کی کاربن ڈائی آکسائیڈ، تو یہ آنکھوں کو مخصوص رنگ اسکین کرنے کے لیے متحرک کرتی ہے، جس کا تعلق ممکنہ طور پر کسی شکار سے ہوتا ہے اور یہ اس جانب بڑھ جاتے ہیں۔

تحقیق میں معلوم ہوا کہ کس طرح مچھر کی سونگھنے کی حس دیکھنے کے عمل کو متاثر کرتی ہے۔

محققین کا کہنا تھا کہ یہ جانتے  ہوئے کہ کونسے رنگ بھوکے مچھروں کو کھینچتے ہیں اور کون سے نہیں کھینچتے، بہتر ریپیلنٹس، ٹریپس اور مچھروں سے نمٹنے کے دیگر طریقوں کو بہتر کرنے میں مدد دے سکتے ہیں۔