شیخ رشید کا کہنا ہےکہ ن لیگ کانسلہ ٹاورگرچکا،پیپلزپارٹی کی تجوری ہائٹس ختم ہوچکی۔

وفاقی وزیر داخلہ شیخ رشید احمد نے پریس کانفرنس کرتے ہوئے کہاکہ مولانا فضل الرحمان نےکہا تھاعمران خان کومکھی کی طرح نکالیں گے، فضل الرحمان کوکل ن لیگ، پی پی نے مکھی کی طرح نکال دیا۔

انہوں نے کہاکہ اپوزیشن عدم اعتمادلائے، ہمیں کوئی خوف نہیں، آصف علی زرداری کو ٹین پرسنٹ اوربلاول کوسلیکٹڈ میں نےنہیں کہا تھا، اندھے خواب دیکھنے والی اپوزیشن اپنی سیاسی موت مرنے جارہی ہے۔

وزیرداخلہ نے کہاکہ پہلے یہ استعفےدےرہےتھےاب لانگ مارچ پرآچکے، اپوزیشن کولانگ مارچ میں دلچسپی نہیں، میڈیامیڈیاکھیل رہےہیں، اپوزیشن تاریخ نہ بدلے 23 مارچ کوہی اسلام آباد آئے۔

شیخ رشید نے کہاکہ اپوزیشن اپنےلیے بڑے مسائل پیدا کررہی ہے، چوراورڈاکوہمیں للکار رہے ہیں۔

وفاقی وزیرنے کہاکہ کالعدم ٹی ٹی پی سےمذاکرات پرکچھ نہیں کہہ سکتا، کالعدم ٹی ٹی پی سے متعلق شاہ محمود بریفنگ دینگے،مذاکرات کے دروازے بند نہیں کیےجاسکتے، حملہ کرنے والوں کومعاف نہیں کرسکتے۔

ان کا کہنا تھا کہ طالبان کےساتھ تعلقات ہیں اوررہیں گے، نوشکی، پنجگورمیں 20 دہشت گرد ہلاک ہوئے، نوشکی پنجگورمیں 9 اہلکارشہید ہوئے، بھارت پاکستان کوغیرمستحکم کرنےکاکوئی موقع نہیں جانےدیتا۔

شیخ رشید نے مزید کہاکہ بھارت کوعمران خان کےدورہ چین سےبہت تکلیف ہے، بھارتی میڈیا عمران خان کے دورہ چین پر چیخ رہا ہے۔