پاکستان کرکٹ بورڈ کے چیئرمین رمیز راجہ کا کہنا ہے کہ لتا جی رحمد دلی، عاجزی اور سادی کا مظہر تھیں۔

برصغیر کی عظیم گلوکارہ لتا منگیشکر کی موت پر پاکستان کرکٹ بورڈ کے چیئرمین رمیز راجہ نے گہرے دکھ کا اظہار کیا ہے۔

سماجی رابطے کی مائیکرو بلاگنگ ویب سائٹ ٹوئٹر پر ٹوئٹ کرتے ہوئے انہوں نے کہا کہ لتاجی رحمد دلی، عاجزی اور سادی کا مظہر تھیں۔ ان کی خوبصورت اور عظمت سے بھرپور شخصیت تھی جو ہم سب کے لیے ایک سبق تھی۔

Lata Mangeshkar was the epitome of grace, humility and simplicity and therefore greatness.. a lesson for all. Kishore Kumar and now her death has left me music broken!

Advertisement

— Ramiz Raja (@iramizraja) February 6, 2022

واضح رہے کہ طویل عرصے تک بھارتی فلموں میں اپنی آواز کے ذریعے راج کرنے والی لتا منگیشکر آج صبح اس دار فانی سے کوچ کرگئیں ہیں۔

لتا منگیشکر کے معالج پریت سمدھانی کا لتا منگیشکر کے انتقال کی تصدیق کرتے ہوئے کہنا تھا کہ لتا جی کو نئے سال کے آغاز پر کورونا کے سبب اسپتال میں داخل کیا گیا تھا تاہم حالت تشویش ناک ہونے پر انہیں وینٹی لیٹر پر منتقل کردیا گیا تھا۔

ڈاکٹر پریت سمدھانی کے مطابق کورونا کے بعد وہ نمونیا میں مبتلا ہوگئیں تھی، جس کی وجہ سے ان کے اعضائے ریئسہ نے کام کرنا چھوڑ دیا تھا۔

بھارتی حکومت کی جانب سے ان کی فنی خدمات کے اعتراف میں انہیں تین بڑے سرکاری اعزازات سے نوازا گیا، جن میں پدما و بھوشن، بھارت رتن اور پدم بھوشن شامل ہیں۔

یاد رہے کہ لتا منگیشکر کی آخری رسومات سرکاری اعزاز کے ساتھ آج شام 6.30 بجے شیواجی پارک میں ادا کی جائیں گی۔