پرتگال سے تعلق رکھنے والے 37 سالہ کرسٹیانو نے کھیل کے میدان کے ساتھ ساتھ سوشل میڈیا پلیٹ فارم پر بھی اپنی مقبولیت کے جھنڈے گاڑ دیے ہیں۔

مانچسٹر یونائیٹڈ کے اسٹار کھلاڑی کرسٹیانو رونالڈو نے انسٹاگرام پر 40 کروڑ فالوورز رکھنے والی پہلی شخصیت کا اعزاز حاصل کرلیا ہے۔

رونالڈو کے فالورورز کی تعداد میں گزشتہ 6 ماہ کے عرصے میں ایک کروڑ 63 لاکھ کااضافہ ہوا ہے۔ گزشتہ سال ستمبر میں انہوں نے 20 کروڑ 37 لاکھ فالوورز کا سنگ میل طے کرلیا تھا۔

دلچسپ بات تو یہ ہے کہ ریئل میڈرڈ کے سابق کھلاڑی نے مجموعی طور پر انسٹا گرام پر 3 ہزار 242 پوسٹس کی ہیں، جن میں سے ہر ایک کو اسطاً 1 کروڑ لائیک ملے ہیں۔

سوشل میڈیا کے مقبول ترین پلیٹ فارم انسٹا گرام کے آفیشل اکاؤنٹ پر 40 کروڑ 69 لاکھ فالوورز ہیں۔ جب کہ انسٹا گرام کی جانب سے صرف 7 ہزار 49 پوسٹ کی گئیں ہیں۔

فالوورز کی اس ریس میں رونالڈو کے ہم عصر فٹ بال پلیئر لیونل میسی 30 کروڑ 60 لاکھ فالورز کے ساتھ تیسرے نمبر پر ہیں۔

فالوورز کی ٹاپ ٹین فہرست میں کرسٹیانو کے بعد دوسرے نمبر پر کائیلی جینر ہیں جنہوں نے رواں سال ہی انسٹا گرام پر 3 کروڑ فالوورز رکھنے والی شخصیت کا اعزاز حاصل کیا تھا۔ انہیں انسٹا گرام پر 30 کروڑ 90 لاکھ افراد فالو کرتے ہیں۔

سب سے زیادہ فالوورز کی ٹاپ ٹین فہرست میں ان کی دو بہنیں کم کاردیشیئن اور کوہلی کاردیشیئن بھی شامل ہیں۔

مشہور ٹی وی اسٹار کم کاردیشیئن اس دوڑ میں 20 کروڑ 85 لاکھ فالوورز کے ساتھ ساتویں  نمبر پر ہیں۔ جب کہ کوہلی کاردیشیئن کے فالوورز کی تعداد 20 کروڑ 19 لاکھ ہے اور اس فہرست میں وہ دسویں نمبر پر ہیں۔