شہرقائد میں آج اب تک کہاں کتنی بارش ہوئی محکمہ موسمیات نے اعداد و شمار جاری کردئیے۔

محکمہ موسمیات کے مطابق اب تک سب سے زیادہ بارش نارتھ کراچی میں 17 اعشاریہ 4 ملی میٹر ریکارڈ کی گئی ہے۔

 سعدی ٹاون میں میں 17 اعشاریہ 2 ملی میٹر،سرجانی میں 14 اعشاریہ 2 ملی میٹر، گڈاپ ٹاؤن میں 9 اعشاریہ 6 ملی میٹر ریکارڈ کی گئی۔

اس کے ساتھ ساتھ یونیورسٹی روڈ 9 ، قائد آباد میں 6 اعشاریہ 5 ملی میٹر بارش ریکارڈ کی گئی۔

محکمہ موسمیات کے جاری کردہ اعداد و شمارکے مطابق گلشن  معمار میں 5 اعشاریہ 5،کیماڑی میں 4 اعشاریہ 5 ،جناح ٹرمینل 3 اعشاریہ 8 ملی میٹر بارش ریکارڈ کی گئی۔

گلشن حدید میں 2 ملی میٹر،ڈی ایچ اے اور اورنگی ٹاؤن میں 1 ، ناظم اباد میں 1 اعشاریہ 5 ملی میٹر ریکارڈ کی گئی۔

مسرور بیس میں 0 اعشاریہ5  ملی میٹر، اولڈ ائیرپورٹ پر 0 اعشاریہ 4 ملی میٹر بارش ریکارڈ کی گئی۔

کراچی میں بارش کے باعث ٹریفک جام، شہری پریشان

کراچی کے مختلف علاقوں میں بارش کے پانی  کے باعث ٹریفک جام ہوگیا۔

کراچی کے علاقوں ناظم آباد ، نارتھ ناظم آباد ، گلشن اقبال ، حسن اسکوائر ، جیل روڈ ، صدر آئی آئی چندریگر روڈ اور اطراف، شارعِ فیصل، پرانی سبزی منڈی، پی ای سی ایچ سوسائٹی، بہادر آباد، شہید ملت، گلشنِ اقبال سمیت مختلف علاقوں میں تیز بارش اور بوندا باندی ہوئی ،جس کے بعد کئی علاقوں میں پانی جمع ہونے سے ٹریفک جام ہوگیا۔

تیز بارش کے باعث شہر کے نشیبی علاقے اور سڑکیں زیر آب آگئی، جس سے مسافروں کو نقل و حرکت میں مشکلات کا سامنا کرنا پڑا۔