آج موسم کیسا رہے گا؟ محکمہ موسمیات نے بتا دیا

ویب ڈیسک

09th Feb, 2022. 09:21 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج موسم کیسا رہے گا؟ محکمہ موسمیات نے بتا دیا

ملک کے بالائی علاقوں میں آج موسم سرد اور مطلع جزوی ابرآلود رہے گا۔

محکمہ موسمیات کی جاری کردہ رپورٹ کے مطابق آج اسلام آباد میں صبح سویرے ہلکی بارش جبکہ پنجاب کے میدانی علاقوں میں صبح اوررات کے اوقات میں شدید دھند چھائے رہنے کا امکان ہے۔

محکمہ موسمیات کا کہنا ہے کہ خیبرپختونخواہ کے بالائی اضلاع میں بھی آج مطلع ابرآلود رہے گا تاہم دیر ،چترال ، سو ات ، کوہستان ، ایبٹ آباد،مانسہرہ،بونیراورشانگلہ میں ہلکی با رش اور پہاڑوں پر برفباری کا امکان ہے۔

محکمہ موسمیات نے بتایا کہ سندھ کے بیشتر اضلاع میں بھی آج موسم سرد اور خشک رہے گا تاہم سکھر،لاڑکانہ اورجیکب آباد میں رات اور صبح کے اوقات میں دھند کی توقع ہے۔

اسکے علاوہ بلوچستان کے بیشتر اضلاع میں بھی موسم سرد اور خشک جبکہ گلگت بلتستان اور کشمیر میں مطلع ابر آلو د رہنے کا ساتھ ہلکی بارش اور ہلکی برفباری کا بھی امکان ہے۔

واضح رہے کہ آج ریکارڈ کیے گئے کم ازکم درجہ حرارت میں لہہ منفی 12 ،کالام منفی10، گوپس منفی08،اسکردومنفی06، پاراچنار،مالم جبہ منفی05، بگروٹ، راولاکوٹ،ہنزہ، استور،بارہ مولہ، پلوامہ منفی04، قلات،شوپیاں منفی03، گلگت منفی02، دیراور کوئٹہ میں منفی01ڈگری سینٹی گریڈ ریکارڈ کیا گیا ہے۔