امریکی ریاست اوہائیو میں دورانِ مزاحمت سابق عالمی چمپئین باکسر رابرٹ ایسٹر جونیئرکو سرِعام  گولیاں مار دی گئیں۔

غیر ملکی خبر رساں ادارے کے مطابق 31 سالہ لائٹ ویٹ چیمپیئن باکسر رابرٹ ایسٹر جونیئر ریاست اوہائیو میں اپنے آبائی شہر ٹولیڈو میں موجود تھے جہاں ان کے ساتھ ڈکیتی کی واردات ہوئی۔

ڈاکوؤں نے ان سے زیورات اور پیسے مانگے تو باکسر نے مزاحمت کی جس پر انہیں گولیاں ماردی گئیں۔ ۔بعد ازاں، ڈاکو ان کی نقدی اور جیولری چھین کر فرار ہوگئے۔ باکسر کو فوری طور پر سنساٹی ہسپتال منتقل کیا گیا جہاں ان کی سرجری کی گئی ۔

ڈاکٹرز کا کہنا ہے کہ رابرٹ کو تین گولیاں لگی ہیں۔ ان کے والد رابرٹ سینئر کے مطابق ان کے بیٹے کی حالت خطرے سے باہر ہے۔ خیال رہے کہ رابرٹ جونیئر نے سنہ 2016 میں لائٹ ویٹ کیٹگری میں باکسنگ کے عالمی چیمپیئن بنے تھے۔

انہوں نے تین بار ٹائٹل اپنے نام کرتے ہوئے کامیابی کے ساتھ اس کا دفاع کیا۔ تاہم سنہ 2018 میں وہ مکی گارشیا سے شکست کھا گئے تھے۔

امریکا میں موجود اسپورٹس حلقوں نے واقعہ پر افسوس کا اظہار کیا ہے۔ جبکہ مداحین  نے واردات پرانتظامیہ سے سخت ایکشن لینے کا بھی مطالبہ کیا ہے۔

 یاد رہے، کوویڈ 19 کے بعد امریکا میں امن و امان کی صورتحال نا گفتہ بہ  ہے۔