جاپان میں شدید برف باری سے معمولاتِ زندگی متاثر، عوام گھروں تک محدود

ویب ڈیسک

10th Feb, 2022. 12:10 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جاپان میں شدید برف باری سے معمولاتِ زندگی متاثر، عوام گھروں تک محدود

جاپان میں شدید برف باری نے معمولاتِ زندگی معطل کرکے رکھ دیے اور عوام کو گھروں تک محدود کر دیا ہے۔

جاپان میں خراب موسم کے باعث 123 پروازیں منسوخ اور 67 ٹرین سروسز معطل کردی گئیں۔

جاپان کی موسمیاتی ایجنسی (جے ایم اے) نے عوام سے اُن علاقوں میں جہاں برف باری متوقع ہے، صرف انتہائی ضرورت کے تحت سفر کرنے اور غیر ضروری طور پر سفر نہ کرنے کی اپیل کی ہے۔

جاپان کی موسمیاتی ایجنسی نے امکان ظاہر کیا ہے کہ جمعہ کی صبح تک یاماناشی صوبے میں برف کی تہہ کی موٹائی 20 سے 40 سینٹی میٹر تک اور ناگانو اور شیزوکا اور کانٹو کے پہاڑی علاقوں میں 20 سینٹی میٹر تک پہنچنے کی توقع ہے۔

جاپان کی آل نیپون ایئر ویز نے اعلان کیا ہے کہ اس نے احتیاط کے طور پر کل کی 96 اندرونِ ملک پروازیں منسوخ کر دی ہیں جبکہ جاپان ایئر لائنز نے ہنیدا ہوائی اڈے سے 27 پروازیں معطل کرنے کا فیصلہ کیا ہے۔

جاپان کے ریل آپریٹر جے آر ایسٹ نے بھی اعلان کیا ہے کہ اُس نے ٹوکیو، ناگانو اور یاماناشی شہروں کے درمیان چلنے والی محدود تعداد میں ایکسپریس ٹرینوں سمیت 67 خدمات کو معطل کر دیا ہے۔