بھارت میں ہندو انتہا پسندوں کی جڑ کہی جانی والی تنظیم راشٹریہ سیوک سنگھ (آر ایس ایس) کے سربراہ موہن بھاگوت نے کہا ہے کہ ہندوؤں کا مفاد ہی بھارتی مفاد ہے۔

بھارتی شہر حیدر آباد میں ہندوؤں کی ایم مذہبی تقریب سے خطاب کے دوران موہن بھاگوت کا کہنا تھا کہ خاندان ، ذات، زبان اور علاقے کا مفاد ہماری دوسری ترجیح ہونی چاہیے، پہلی ترجیح ہمیہ ہندو مفاد ہونا چاہیے کیونکہ ہندو مفاد ہی قومی مفاد ہے۔

#WATCH | …Remember priority should be 'Hindu interest' i.e. national interest. Other interests such as language, caste are secondary… We will not engage in anything that instigates to fight within…We will live with dignity: RSS chief Mohan Bhagwat in Hyderabad (09.02) pic.twitter.com/2fsphPDRfM

— ANI (@ANI) February 9, 2022

موہن بھاگوت نے کہا کہ ہمیں کوئی بھی ایسی بات نہیں کرنی چاہیے جو ہندوؤں کے درمیان تصادم کی وجہ بنے۔

 مزید پڑھیے: بھارتی ریاست اتر پردیش میں انتخابات

ہندو انتہا پسند تنظیم کے سربراہ نے کہا کہ ہمیں ایسے عمل سے بھی گریز کرنا ہوگا جو ہمیں ڈرپوک بنائے یا خوف زدہ کرے۔

آر ایس ایس نے مسلمانوں کا نام لیے بغیر روایتی انداز میں زہر اگلتے ہوئے کہا کہ ہم عزت کے ساتھ جیئں گے، ہم میں اتنی صلاحیت ہے کہ کسی میں ہمارے خلاف کھڑے ہونے کی طاقت نہیں۔

موہن بھاگوت نے مزید زہر اگلتے ہوئے کہا کہ 5 ہزار برسوں سے ہمارا مذہب موجود ہے، اگر ہمیں کوئی ختم کرسکتا تو پچھلے ایک ہزار سال میں کرسکتا تھا۔

واضح رہے کہ بی جے پی سمیت تمام ہندو انتہا پسند جماعتوں کی اصل جڑ راشٹریہ سیوک سنگھ ہی ہے۔

بی جے پی سمیت کوئی بھی جماعت اس وقت تک کوئی کام نہیں کرسکتی جب تک اسے آر ایس ایس کی جانب سے آشیرواد نہ ملے۔