وزیر خارجہ مخدوم شاہ محمود قریشی کی پاکستان میں تعینات مصری سفیر طارق دہروگ کی وزارتِ خارجہ میں ملاقات ہوئی ہے۔
شاہ محمود قریشی نے مصری سفیر سے گفتگو کرتے ہوئے کہا کہ مصر خطے کا ایک اہم ملک ہے اور اس کا استحکام اور ترقی خطے میں امن اور خوشحالی کے لیے ناگزیر ہے۔
انہوں نے کہا کہ یہ امر قابل مسرت ہے کہ مصر، صدر عبدالفتاح السیسی کی قابل قیادت میں سیاسی استحکام اور سلامتی کی جانب گامزن ہے۔
وزیر خارجہ نے کہا کہ ہمارے دونوں ممالک کے عوام مشترکہ عقیدے، یکساں ثقافتی وابستگی کے بندھن سے بندھے ہوئے ہیں۔
انکا کہنا ہے کہ دونوں برادر ممالک کے درمیان علاقائی اور بین الاقوامی امور پر نقطہ نظر میں یکسانیت خوش آئند ہے۔
Advertisement
مخدوم شاہ محمود قریشی نے کہا کہ میری گزشتہ سال دورہ مصر کے دوران، صدر السیسی اور وزیر خارجہ سامع شکری کے ساتھ بہت سود مند ملاقاتیں ہوئیں۔
انہوں نے مزید کہا کہ پاکستان مصری وزیر خارجہ سامع حسن شکری کے دورہ پاکستان اور اسلام آباد میں چوتھے مشترکہ وزارتی کمیشن (جے ایم سی) کے جلد انعقاد کا منتظر ہے۔
ملاقات میں مصری سفیر نے وزیر خارجہ کا شکریہ ادا کرتے ہوئے، پاکستان اور مصر کے مابین دو طرفہ تعلقات کے فروغ کیلئے اپنے ہر ممکن تعاون کا یقین دلایا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
