لاہور میں موسم تبدیل ہوگیا لیکن آلودگی کم نہ ہو سکی۔

محکمہ تحفظ ماحولیات کے مطابق دنیا بھر میں لاہور آلودگی میں دوسرے نمبر پر رہا جبکہ  431 پوائنٹس کے ساتھ کراسنورسک اور روس پہلے نمبر پر رہا۔

لاہور میں آلودگی کی شرح 195 پوائنٹس جبکہ کابل 174 پوائنٹس کے ساتھ تیسرے نمبر پر رہا۔

محکمہ تحفظ ماحولیات نے بتایا کہ ٹاؤن ہال اور لاہور میں ایئر کوالٹی انڈیکس 206ریکارڈ کیا گیا جبکہ ٹاؤن شپ سیکٹر ٹو میں انڈیکس 97ریکارڈ کیا گیا۔

اس کے علاوہ سیز یونیورسٹی پنجاب آف لاہور میں ایئر کوالٹی انڈیکس 155بذریعہ موبائل وین ریکارڈ کیا گیا جبکہ نیشنل ہاکی اسٹیڈیم لاہور کا انڈیکس 148ریکارڈ کیا گیا۔

محکمہ تحفظ ماحولیات کے مطابق رحیم یار خان میں ایئر کوالٹی انڈیکس 110ریکارڈ کیا گیا جبکہ راولپنڈی میں ایئر انڈیکس 99ریکارڈ کیا گیا۔

فضائی آلودگی کیا ہے؟

فضائی آلودگی ہوا میں موجود وہ مادے یا ذرات ہوتے ہیں جو کہ انسانی سرگرمیوں کی بدولت فضا کا حصہ بنتے ہیں۔

فضائی آلودگی گیسوں کی زیادتی، زہریلی گیسوں، تابکاری شعاعوں، کیمیائی مادوں، ٹھوس ذرات، مائع قطرات، گرد و غبار اور دھویں وغیرہ کی وجہ سے پیدا ہوتی ہے اور یہ انسانی صحت اور ماحول دونوں کو نقصان پہنچانے کا باعث بنتے ہیں۔