کرکٹ کو شرفاء کا کھیل کہا جاتا ہے لیکن دور حاضر متعدد ایسے واقعات رونما ہو چکے ہیں جس نے اس کھیل کی شرافت کو بدنما بنانے میں کوئی کسر نہیں چھوڑی۔
میچ فکسنگ ہو یا پھر اسپاٹ فکسنگ، آن فیلڈ کھلاڑیوں کے مابین تلخ کلامی ہو پھر امپائر کے خلاف ہرزہ سرائی الغرض اس کھیل کے اصل حسن کو نیچا دکھانے کی کوششیں تواتر کے ساتھ جاری ہیں۔
لیکن ان تمام تر خرابیوں کے باوجود کبھی کبھار ایک ایسا لمحہ بھی رونما ہو جاتا ہے جو اس کھیل کی اصل روح کی عکاسی کرتا ہے۔
عمان میں جاری ٹی ٹوئنتی لیگ میں نیپال کے وکٹ کیپر آصف شیخ نے ’ اسپرٹ آف کرکٹ ‘ کی مثال قائم کر کے مداحوں کے دل جیت لئے ہیں۔
میچ کے دوران ایک لمحے پر آئر لینڈ کے بیٹر رن لینے کے دوران بالرسے ٹکرا کر سلپ ہو کر کریز پر گر پڑے، نیپالی بالر کمال سنگھ نے موقع سے فائدہ اٹھاتے ہوئے گیند وکٹ کیپر آصف شیخ کی طرف تھرو کی۔
Advertisement
آصف شیخ کے پاس سنہری موقع تھا کہ وہ آئر لینڈ کے بیٹر اینڈی میک برائن کو باآسانی رن آوٹ کر سکتے تھے مگر انہوں نے ایسا نہیں کیا۔ اور بیٹر کو کریز پر پہنچنے کا مکمل موقع فراہم کیا۔
آصف شیخ کے اس عمل پر کرکٹ ماہرین نے ان کی تعریف کی ، آئی سی سی نے بھی ’ اسپرٹ آف گیم ‘ کا زندہ رکھنے والے آصف شیخ کو سراہا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
