صوبائی دارالحکومت لاہور میں دھند کا راج برقرار ہے جس کے باعث شہر کے مختلف علاقوں کے منظر دھندلا گئے ہیں۔

تفصیلات کے مطابق دھند کے باعث ٹریفک سست روی کا شکار ہے جس کے باعث موٹروے کو مختلف مقامات پر ٹریفک کے لئے بند کیا گیا ہے۔

موٹروے پولیس کا کہنا ہے کہ موٹروے ایم 2 ٹھوکر نیاز بیگ سے شیخوپورہ تک شدید دھند کے باعث بند کردی گئی ہے۔

اس کے علاوہ موٹروے ایم 3 کو بھی لاہور سے  جڑانوالہ تک دھند کی وجہ سے بند کر دیا گیا ہے۔

موٹروے پولیس نے بتایا کہ موٹروے ایم 11 کو بھی محمود بوٹی سے سمبڑیال تک شديد دھند کی وجہ سے بند کر دیا گیا ہے۔

یشنل ہائی ویز اینڈ موٹروے پولیس کا کہنا ہے کہ عوام سے گزارش ہے کہ دھند کے موسم میں غیر ضروری سفر سے گریز کریں اور  گاڑیوں میں فوگ لائٹس کا استعمال کریں۔

واضح رہے کہ موٹروے ایم الیون حد نگاہ میں بہتری کے بعد ٹریفک کے لئے کھول دی گئی ہے۔

اسموگ،  فوگ یعنی دھند اوراسموگ یعنی دھویں سے ماخوذ ایک اصطلاح ہے، یہ ایک فضائی آلودگی ہے، جو انسان کی دیکھنے کی صلاحیت کو کم کردیتی ہے۔

ماہرین کے مطابق موسم گرما جانے کے ساتھ ہی جب دھند بنتی ہے تو یہ فضا میں پہلے سے موجود آلودگی کے ساتھ مل کر اسموگ بنا دیتی ہے۔

اس دھویں میں کاربن مونو آکسائیڈ، نائٹروجن آکسائیڈ، میتھین اور کاربن ڈائی آکسائیڈ جیسے زہریلے مواد شامل ہوتے ہیں۔