سندھ ہائی کورٹ نے سندھ میں گیس کی لوڈشیڈنگ کو آئین کی خلاف ورزی قرار دے دیا، سندھ کے حصے کی گیس دوسرے صوبوں کو منتقل کرنے پر سیکریٹری پیٹرولیم سے وضاحت طلب کرلیا گیا، سیکریٹری خزانہ اور پٹرولیم کو توہین عدالت کے نوٹس جاری کردیئے گئے۔
سندھ بھر میں گیس کی لوڈ شیڈنگ سندھ ہائی کورٹ میں سماعت کا تحریری حکم نامہ جاری کردیا گیا، عدالتی احکامات پر عمل درآمد نہ کرنے پر وفاقی سیکریٹری خزانہ اور پیٹرولیم کو توہین عدالت کا شوکاز نوٹس جاری کردیا گیا۔
دونوں وفاقی سیکریٹریز علی رضا بھٹہ اور حامد یعقوب کو ذاتی حیثیت میں طلب کرتے ہوئے آئندہ پیشی پر وضاحت دینے کا حکم دے دیا گیا۔
عدالت نے سندھ میں گیس لوڈ شیڈنگ پر بھی تشویش کا اظہار کرتےہوئے استفسار کیا کہ سندھ سب سے زیادہ گیس کی پیداوار دے رہا ہے گیس کی لوڈ شیڈنگ کیوں ہورہی ہے ؟ گیس پیدا کرنے والے صوبے میں گیس کی لوڈ شیڈنگ آئین آرٹیکل 158 کی خلاف ورزی ہے۔
ایم ڈی ایس ایس جی سی نے عدالت کو مزید بتایا کہ وفاقی وزارت پیٹرولیم کی ہدایت پر سندھ سے گیس کی فراہمی دوسروں صوبوں کو کی جارہی ہے جس پر عدالت نے سیکریٹری پیٹرولیم سے آئین کی خلاف ورزی پر وضاحت طلب کرلی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
