سندھ کے وزیر ماحولیات محمد اسماعیل راہو کا کہنا ہے کہ  نئے منصوبے سندھ کی تباہی کا سبب بنیں گے۔

 اپنے جاری کردہ بیان میں سندھ کے وزیر ماحولیات محمد اسماعیل راہو نے کہا کہ سندھ سرکار نے پنجاب کا تھل کینال فیز 2 منصوبہ 1991ع آبی معاہدے کی خلاف ورزی اور زراعت دشمن قرار دے دیا ہے۔

اسماعیل راہو کا کہنا ہے کہ پنجاب حکومت گریٹر تھل کینال 2 منصوبہ تعمیر کر رہی ہے جو  آبی معاہدے کے خلاف ورزی ہے جبکہ کالا باغ ڈیم کی تعمیر پر بھی وفاق سے کوئی بات چیت نہیں ہوسکتی۔

 اسماعیل راہو نے کہا کہ سندھ،کے پی کی اور بلوچستان کی صوبائی اسیمبلیاں کالاباغ ڈیم کومسترد کرچکی ہیں،  پھر اس وقت عقل کے بیربل کی بےوقت کی راگنی کا کیا مطلب ہے؟

وزیر ماحولیات نے کہا کہ عمران خان جان بوجھ کے چھوٹے صوبوں کے زخموں پے نمک پاشی کر رہے ہیں، پہلے ہی نیازی سرکار سندھ کے پانی پے کئی ڈاکے ڈال چکی ہے۔

اسماعیل راہو کا کہنا تھا کہ ماحولیاتی اور موسمیاتی تبدیلی کی وجہ سے دنیا کے کئی  ممالک کومیٹھے پانی کی قلت کے بحران کا سامنہ ہے، یہ بحران جن ملکوں کو شدید متاثرکریگا پاکستان ان میں سر فہرست ہے۔

وزیر ماحولیات نے کہا کہ پانی کی قلت کی وجہ سے سندھ کے ساحلی اضلاع بدین، سجاول اور ٹھٹہ شدید متاثر ہو رہے ہیں، آنےوالے وقتوں میں پانی کی کمی مزید شدت اختیار کر جائے گی۔

انہوں نے مزید کہا کہ نئے منصوبے سندھ کی تباہی کا سبب بنیں گے، آنے والے وقتوں میں پانی کی کمی مزید شدت اختیار کر جائے گی۔