صوبائی دارالحکومت لاہور کے چڑیا گھر میں نایاب  پرندوں کی ویکسینیشن کا سلسلہ جاری ہے۔

تفصیلات کے مطابق  چڑیا گھر میں نایاب جنگلی جانوروں کی بہترافزائش کے لئے بعض جانوروں کی نئے سرے سے جوڑابندی کی گئی ہے جبکہ قیمتی پرندوں کو کسی بھی ممکنہ وبا سے بچانے کے لئے ویکسینیشن کی جارہی ہے۔

ڈپٹی ڈائریکٹرکرن سلیم کا کہنا ہے کہ جوڑا بندی کا مقصد  ان سے صحت مند بریڈ حاصل کی جاسکے ہے، مختلف جانوروں کی عمراورصحت کے مطابق ان کی جوڑا بندی کی جاتی ہے۔

ڈپٹی ڈائریکٹرکرن سلیم نے بتایا کہ ابھی چونکہ جانوروں کا بریڈنگ سیزن شروع ہونے والا ہے اس لئے بعض جانوروں کی نئے سرے سے جوڑا بندی کی گئی ہے۔

 ڈپٹی ڈائریکٹرکرن سلیم نے کہا کہ جن جانوروں کی جوڑا بندی کی گئی ہے ان کی مانیٹرنگ بھی کی جارہی ہے، سرخ ہرنوں کا جوڑا معمول کے مطابق برتاؤ کررہاہے۔

دوسری جانب چڑیا گھر میں موسم کی تبدیلی یعنی سردی کی شدت کم ہونے کے بعد مختلف اقسام کے پرندوں کی ویکسینیشن بھی شروع کی گئی ہے۔

چڑیا گھر انتظامیہ کا کہنا ہے کہ مختلف اقسام کے آبی پرندوں کی ویکسینیشن مکمل ہوگئی ہے، اب مورسمیت دیگرپرندوں کی ویکسینیشن کی جائیگی۔

واضح رہے کہ اس سے قبل تمام قسم کے طوطوں اور دیگر پرندوں کی ویکسینیشن بھی مکمل کرلی گئی تھی۔