سانحہ مری کیس میں عدالت نے کمشنر راولپنڈی کی جانب سے جمع کرائی گئی رپورٹ کو غیر تسلی بخش قرار دے دیا۔
تفصیلات کے مطابق لاہور ہائی کورٹ کے راولپنڈی بینچ میں سانحہ مری سے متعلق کیس کی سماعت ہوئی۔
ڈپٹی کمشنر راولپنڈی، سیکریٹری محکمہ سیاحت پنجاب، اے سی مری عدالت میں پیش ہوئے۔
جسٹس چودھری عبدالعزیز نے سانحہ مری سے متعلق کیس کی سماعت کی۔
لاہور ہائی کورٹ کے راولپنڈی بنچ نے کمشنر راولپنڈی کی جانب سے جمع کرائی گئی رپورٹ کو غیر تسلی بخش قرار دے دیا۔ سانحہ مری سے متعلق تفصیلی رپورٹ کمشنر راولپنڈی نور الامین مینگل نے گزشتہ سماعت پر جمع کرائی تھی۔
Advertisement
عدالت نے 22 فروری کو سانحہ مری سے متعلق جامع رپورٹ جمع کرانے کا حکم دے دیا۔
لاہور ہائی کورٹ کے راولپنڈی بنچ نے ضلعی انتظامیہ کو مری 2013 ماسٹر پلان پر کنسلٹیشن کی ہدایت کر دی۔
مری 2013 ماسٹر پلان درخواست گزار کے وکیل جلیل عباسی نے عدالت میں جمع کرایا۔
دورانِ سماعت عدالت نے ریمارکس دیے کہ اگلی سماعت پر سانحہ مری سے متعلق جامع رپورٹ تسلی بخش نہ ہوئی تو عدالت چیف سیکریٹری پنجاب اور وزیر اعلٰی پنجاب کو ذاتی حیثیت میں طلب کرے گی۔
سانحہ مری کیس کی اگلی سماعت 22 فروری کو ہوگی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
