جنگلات کو نقصان پہنچانے والوں کے خلاف سخت قانونی کارروائی کی جائے، گورنر بلوچستان

ویب ڈیسک

16th Feb, 2022. 06:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جنگلات کو نقصان پہنچانے والوں کے خلاف سخت قانونی کارروائی کی جائے، گورنر بلوچستان

گورنر بلوچستان نے کہا ہے کہ جنگلات اور جنگلی حیات کو نقصان پہنچانے والوں کے خلاف سخت قانونی کارروائی کی جائے۔

گورنربلوچستان سید ظہور احمد آغا سے ورلڈ وائلڈ لائف کے سینئر ڈائریکٹر رب نواز اور ریجنل ہیڈ طائر رشید کی ملاقات ہوئی ہے۔

اس موقع پر گورنر بلوچستان سید ظہور احمد نے کہا کہ یہ بات ہم سب پر عیاں ہو چکی ہے کہ گلوبل وارمنگ دراصل دنیا بھر کے انسانوں کیلئے گلوبل وارننگ ہی ہے۔

سید ظہور احمد نے یہ بھی کہا کہ پرندے، جانور اور درخت فطرت کا حسن ہے لہٰذا ہر ذی شعور شخص کا فریضہ ہے کہ فطرت کی رنگینی و خوبصورتی کو برقرار رکھنے کیلئے شعوری کاوشیں کریں۔

ان کا کہنا تھا کہ قدرتی ماحول، جنگلات اور جنگلی حیات کے تحفظ کیلئے قومی اور بین الاقوامی سطح پر فوری اور بروقت مزید ٹھوس اقدامات اٹھانے کی اشد ضرورت ہے۔

گورنر بلوچستان سید ظہور احمد نے مزید کہا کہ جنگلات اور جنگلی حیات کو نقصان پہنچانے والوں کے خلاف سخت قانونی کارروائی کی جائے، عوامی سطح پر جنگلات اور جنگلی حیات کے تحفظ کیلئے انتھک کاوشیں کرنے والے نجی اداروں اور خدمت گاروں کی بھرپور حوصلہ افزائی کرنی چاہیے۔