چاند پر جانے والے مشن میں پہلی بار خاتون بھی شامل

سید قاسم رضا

09th Jul, 2019. 01:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چاند پر جانے والے مشن میں پہلی بار خاتون بھی شامل

امریکی خلائی ادارے ناسا کی جانب سے چاند پر جانے والے مشن میں خاتون کو شامل کرنے کا اعلان کیاگیا ہے ۔

غیر ملکی خبر رساں ادارے کے مطابق 2024 لونر مشن میں ایک خاتون خلا باز کے لیے خصوصی نشست مختص کی گئی ہے جو پہلی بار چاند کی سطح پر چہل قدمی بھی کریں گی۔

اس حوالے سے ناسا کے ایڈمنسٹریٹر کا کہنا ہے کہ یہ علامتی ہو یا غیر علامتی مگرایسا پہلی بار ہو گا کہ ایک خاتون چاند کی سطح پر قدم رکھیں گی۔

دلچسپ بات یہ ہے کہ اس مشن کا نام یونانی دیوتا ’اپالو ‘کی جڑواں بہن ’آرٹیمس ‘کے نام پر رکھا گیا ہے۔

واضح رہے کہ چاند کی سطح پر آج تک 12 انسانوں نے قدم رکھا ہے اور وہ تمام کے تمام مرد تھے ۔چاند پر کون سی خاتون پہلا قدم رکھیں گی اس بات کا فیصلہ اب تک نہیں ہوسکا ہے لیکن ناسا کا کہنا ہے کہ ان کے ادارے میں کام کرنے والی 12 خواتین میں سے کسی ایک کے حصے میں یہ خوش نصیبی آئے گی۔

ان 12 خواتین میں سے فوجی پائلٹ اين مکلين، انٹرنيشنل اسپيس اسٹيشن ميں ذمہ داریاں انجام دینے والی کرسٹينا کوک، ناسا میں موجود خلا باز جيسيکا مائر اور سابقہ ایئر فورس پائلٹ نکول مين زیادہ نمایاں ہیں۔