موبائل کمپنی ویوو نے اپنی حریف کمپنیوں کے مڈ رینج ماڈل ریڈ می 10 پرائم اور موٹو ای 40 سے مقابلے کے لیے کم بجٹ میں اچھا فون متعارف کرادیا۔

ٹٰیکنالوجی کی خبریں دینے والی ویب سائٹ گیجٹس 360 کے مطابق کمپنی نے ویویو وائے 15 ایس کے نام سے اس ماڈل کو مارکیٹ کردیا ہے۔

اس ماڈل کو گزشتہ سال سنگا پور میں فروخت کے لیے پیش کیا گیا تھا۔

ویویو وائے 15 ایس میں واٹر ڈراپ ڈسپلے نوچ کے ساتھ عقبی حصے میں دو کیمرے دیے گئے ہیں۔

گوگل کے اسٹریم لائن اینڈروئیڈ ورژن گو ایڈیشن کے ساتھ اس ماڈل کو 5 ہزار ایم اے ایچ کی طاقت ور بیٹری کے ساتھ پیش کیا گیا ہے۔

دو خوبصورت رنگوں مائسٹک بلیو اور ویو گرین کے ساتھ ویویو وائے 15 ایس کو 3 جی بی ریم اور 32 جی بی اسٹوریج کے ساتھ متعارف کرایا گیا ہے، جسے مائیکرو ایس ڈی کارڈ کی مدد سے بڑھایا جاسکتا ہے۔

ویوو نے اس فون کو گزشتہ نومبر میں 179 سنگا پوری ڈالر( تقریبا 23 ہزار پاکستانی ) میں فروخت کے لیے پیش کیا تھا۔

6.51 ایچ ڈی پلس آئی پی ایس ڈسپلے میں  720×1600  پکسلز کی ریزولیشن دی گئی ہے۔ 20:9 کے اسیپیکٹ ریشو کے ساتھ ویویو وائے 15 ایس کو میڈیا ٹیک ہیلیو پی 35 ایس او سی اوکٹاکور چپ سیٹ سے لیس کیا گیا ہے۔

تصاویراور ویڈیوز کے لیے ویویو وائے 15 ایس کے بیک میں دو کیمروں کا سیٹ اپ دیا گیا ہے جس میں مرکزی کیمرا 13 میگا پکسلز، جب کہ سیکنڈری کیمرا 2 میگا پکسلز میکرو لینس کے ساتھ دیا گیا ہے۔

سیلفی اور ویڈیو چیٹس کے لیے فرنٹ پر 8 میگا پکسلز کا کیمرہ ہے۔

سائیڈ پر دیے گئے فنگر پرنٹ سینسر کے ساتھ 4 جی  ایل ٹی ای ڈیول بینڈ وائی فائی، ایکسیلیرو میٹر، ایمبیانٹ لائٹ اور پراکسیمیٹی سینسر دیا گیا ہے۔

ویویو وائے 15 ایس کو ابتدائی طور 13 ہزار990 بھارتی روپے( 33ہزار پاکستانی) کی قیمت پر بھارت میں فروخت کے لیے پیش کیا گیا ہے۔