وزیر خزانہ شوکت ترین کا کہنا ہے کہ ایس ایم ای سیکٹر کی ترقی سے روزگار  کے مواقع پیدا ہوتے ہیں۔

تفصیلات کے مطابق وزیر خزانہ شوکت ترین سے ڈویژن میں آل پاکستان بیڈ شیٹس اینڈ اپھولسٹری مینوفیکچررز ایسوسی ایشنز کے چیئرمین عارف احسان ملک  نے ملاقات کی۔

ملاقات کے دوران ڈپٹی گورنر اسٹیٹ بینک، ممبر ایف بی آر اور سینئر افسران بھی موجود تھے۔

ایسوسی ایشن کے چیئرمین نے وزیر خزانہ کو صنعت کے امور کار کے بارے میں بریفنگ دیتے ہوئے بتایا کہ  یہ شعبہ برآمدات کے لحاظ سے اہم شراکت داروں میں سے ایک ہے۔ یہ شعبہ آمدنی میں 2 بلین ڈالر تک کا حصہ ڈالتا ہے۔

عارف احسان ملک نے ایسوسی ایشن کو درپیش مختلف مسائل بالخصوص سیلز ٹیکس ریفنڈز اور لیکویڈیٹی بحران سے متعلق آگاہ کیا۔

وزیر خزانہ شوکت ترین نے ملک کی اقتصادی ترقی میں ایسوسی ایشن کے تعاون کو سراہتے ہوئے کہا کہ حکومت ایس ایم ای سیکٹر کے فروغ کے لیے تمام اقدامات کو بروئےShaukat Tarin کارلا رہی ہے۔

شوکت ترین نے کہا کہ ایس ایم ای سیکٹر کی ترقی سے روزگار پیدا ہوتا ہے، برآمدات کو فروغ ملتا ہے اور ملک میں مجموعی کاروباری سرگرمیوں کو فروغ ملتا ہے۔

وزیر خزانہ نے اسٹیٹ بینک اور ایف بی آر کو ایسوسی ایشن کے مسائل ترجیحی بنیادوں پر حل کرنے کی ہدایت بھی کی۔