شیری رحمان کا کہنا ہےکہ تحریک انصاف ضمنی اور بلدیاتی الیکشن میں شکست کے بعد بوکھلاہٹ کا شکار ہے۔

پیپلز پارٹی کی نائب صدر اورسینیٹر شیری رحمان نے الیکشن کمیشن کے قوائد و ضوابط میں تبدیلی سے متعلق صدارتی آرڈیننس پر ردعمل دیتے ہوئے کہاکہ الیکشن مہم میں ارکان پارلیمان اور وزراء کے حصہ لینے سے متعلق صدارتی آرڈیننس غیر آئینی اور غیر قانونی ہے۔

انہوں نے کہاکہ وفاقی حکومت کے پاس کوئی اختیار نہیں کہ وہ الیکشن کمیشن کے قوائد و ضوابط میں تبدیلی کرے، وفاقی حکومت الیکشن کمیشن کو قوائد و ضوابط میں تبدیلی کی صرف سفارش کر سکتی ہے۔

 شیری رحمان نے کہاکہ وفاقی حکومت مسلسل الیکشن کمیشن کے مینڈیٹ پر ڈاکا ڈالنے کی کوشش کر رہی ہے،صدارتی آرڈیننس لانے کئے لیے قومی اسیمبلی کا اجلاس منسوخ کیا گیا۔

انہوں نے کہاکہ صدر پاکستان الیکشن ایکٹ میں اپنی مرضی کی تبدیلی نہیں کر سکتے، وزراء کو الیکشن مہم چلانے کی کیسے اجازت دی جا سکتی ہے؟

پی پی کی نائب صدر نے کہاکہ وزراء کے پاس مالی وسائل ہوتے ہیں، جن کو الیکشن انتخابات پر اثرانداز ہونے کے استعمال کیا جا سکتا ہے، تحریک انصاف ضمنی اور بلدیاتی الیکشن میں شکست کے بعد بوکھلاہٹ کا شکار ہے۔

 شیری رحمان نے کہاکہ الیکشن کمیشن کے قوائد و ضوابط میں تبدیلی متعلق سے صدارتی آرڈیننس الیکشن چوری کرنے کی ایک نئی سازش ہے،حکومت انتخابات کو متنازعہ بنا رہی ہے۔