بلاول نے پیکا اور الیکشن ایکٹ ترامیمی آرڈیننس کو مسترد کر دیا

ویب ڈیسک

21st Feb, 2022. 08:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلاول نے پیکا اور الیکشن ایکٹ ترامیمی آرڈیننس کو مسترد کر دیا

پی پی پی چیئرمین بلاول بھٹو زرداری نے پیکا اور الیکشن ایکٹ ترامیمی آرڈیننس کو مسترد کر دیا۔

اپنے ایک بیان میں بلاول بھٹو زرداری نے کہا کہ ترامیمی آرڈینس عمران خان کی جانب سے اپنی نااہلی، نالائقی اور جرائم کی پردہ پوشی کی ناکام کوشش ہے۔

پی پی پی چیئرمین نے کہا کہ آئین ہر شہری کو حکومتی کارکردگی پر اپنی رائے قائم کرنے اور اس کے اظہار کا حق دیتا ہے، پیکا اور الیکشن ایکٹ میں ترامیم شہریوں کے بنیادی حقوق سلب کرنے کے مترادف ہیں۔

انہوں نے یہ بھی کہا کہ جھوٹی خبروں کی روکتھام کی آڑ میں آزادیِ اظہار و صحافت کو قید کیا جا رہا ہے، پاکستان میں فیک نیوز مافیا کے سب سے بڑے سرغنہ بذاتِ خود خان صاحب ہیں۔

بلاول بھٹو زرداری کا کہنا تھا کہ پیکا اور الیکشن ایکٹ میں متنازعہ ترامیم کے خلاف پیپلز پارٹی ہر فورم پر مزاحمت کرے گی۔

اپنے بیان میں پاکستان پیپلز پارٹی کے چیئرمین بلاول بھٹو زرداری نے مطالبہ کیا کہ حکومت آزادیِ اظہار اور صحافت کا گلا دبانے سے باز آجائے، متنازعہ آرڈیننس کو فوری طور واپس لیا جائے۔