نا اہل اور نا لائق حکمرانوں کے جانے کا وقت آگیا ہے، مولانا فضل الرحمان

ویب ڈیسک

21st Feb, 2022. 09:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نا اہل اور نا لائق حکمرانوں کے جانے کا وقت آگیا ہے، مولانا فضل الرحمان

مولانا فضل الرحمان نے کہا ہے کہ نا اہل اور نالائق حکمرانوں کے جانے کا وقت آگیا ہے۔

سابق صدر آصف علی زرادری کی پی ڈی ایم کے سربراہ مولانا فضل الرحمان سے ہونے والی ملاقات کا مشترکہ اعلامیہ جاری کردیا گیا ہے۔

اعلامیے کے مطابق ملاقات میں ملکی سیاسی صورت حال پر مشاورت ہوئی جبکہ ملاقات میں عدم اعتماد کی تحریک سے متعلق بھی گفتگو ہوئی۔

اس موقع پر پی ڈی ایم کے سربراہ مولانا فضل الرحمان نے کہا کہ سلیکٹیڈ حکومت عوام میں اپنا اعتماد کھوچکی ہے۔

مولانا فضل الرحمان نے یہ بھی کہا کہ مہنگائی اور بے روزگاری سے لوگ تنگ آگئے ہیں، نا اہل اور نا لائق حکمرانوں کے جانے کا وقت آگیا ہے۔

پی ڈی ایم کے سربراہ مولانا فضل الرحمان نے مزید کہا کہ اپوزیشن اس بار تمام جماعتوں کو اعتماد میں لیکر میدان میں اترے گی۔

اس موقع پر آصف علی زرداری نے کہا کہ عوام کی نظریں اپوزیشن کی طرف ہیں۔

سابق صدر آصف علی زرادری نے مزید کہا کہ حکومت کے اتحادی بھی حکومت سے تنگ آچکے ہیں،اپوزیشن کی تیاری مکمل ہے، حکومتی آراکین بھی رابطوں میں ہے۔