ملک کے بیشتر شہروں میں آج موسم سرد اور خشک جبکہ پہاڑی علاقوں میں شدید سرد رہے گا۔

محکمہ موسمیات کے مطابق آج اسلام آباد سمیت صوبہ پنجاب کے بیشتر اضلاع میں موسم سرد جبکہ  گرد آلود ہواؤں اورگرج چمک کے ساتھ بارش اور  مری، گلیات میں برفباری کا بھی امکان ہے۔

محکمہ موسمیات نے بتایا کہ صوبہ خیبرپختونخواہ کے بیشتر اضلاع  میں مطلع ابرآلود رہے گا تاہم  وزیرستان، کوہاٹ، کرم ، کوہستان، شانگالہ، بونیر،مانسہرہ،ایبٹ آباد، ہری پور، نوں اور ڈی آئی خان میں   تیز،گرد آلود ہواؤں  اورگرج چمک کے ساتھ بارش اور پہاڑوں پر برفباری کا امکان ہے۔

محکمہ موسمیات نے مزید بتایا کہ  صوبہ سندھ کے بیشتر اضلاع میں بھی آج  موسم خشک اور سرد رہے گا تاہم  کراچی، سکھر،لا ڑکانہ ،شہید بینظیرآباد،حیدر آباد اور گردونواح میں گرد آلود ہوائیں اور جھکڑ چلنے کا امکان ہے۔

تازہ ترین اپڈیٹ کے مطابق بلوچستان کے بیشتر علاقوں میں بھی گرد آلود ہوائیں اور جھکڑ  چلنے کا امکان ہے تاہم کوئٹہ، زیارت، قلعہ سیف اللہ، پشین ، مو سی خیل اور ژوب میں تیز، گرد آلود ہواؤں  اور گرج چمک کے ساتھ بارش اور پہاڑوں پر برفباری کی پیشگوئی ہے۔

 دوسری جانب گلگت بلتستان  اور کشمیر میں مطلع ابر آلودکے علاوہ  تیز ہوائیں ، آندھی اورگرج چمک کے ساتھ بارش اور پہاڑوں پر برفباری کی بھی توقع ہے۔

واضح رہے کہ آج ریکارڈ کیے گئے کم ازکم درجہ حرارت میں  لہہ منفی14  ،کالام ،استورمنفی 07،اسکردو منفی 05 ، بگروٹ ،پلوامہ،بارہ مولہ،گوپس  ،مالم جبہ  منفی 04،اننت ناگ،شوپیاں ،ہنزہ  منفی 03، سری نگر  منفی 02 ،قلات،راولاکوٹ اور پاراچنار میں منفی 01 ڈگری سینٹی گریڈ ریکارڈ کیا گیا ہے۔