سابق صدر آصف علی زرداری اور شہباز شریف کے درمیان اہم ملاقات آج ہوگی۔

 آصف علی زرداری اس مقصد کےلئے لاہور پہنچ گئے ہیں، سابق صدر سے مسلم لیگ ن کے صدر اور اپوزیشن لیڈر قومی امسبلی شہباز شریف وفد کے ہمراہ بلاول ہاؤس میں ملاقات کریں گے۔

ذرائع کے مطابق چئیرمین پیپلزپارٹی بلاول بھٹو زرداری بھی شام تک لاہور پہنچیں گے۔

پیپلزپارٹی کے شریک چیئرمین آصف زرداری اور اپوزیشن لیڈر شہبازشریف کے درمیان ہونے والی اس اہم ملاقات میں سیاسی صورتحال، تحریک عدم اعتماد اورلانگ مارچ پرتبادلہ خیال ہوگا۔

سابق صدر آصف زرداری مسلم لیگ ن کے صدر کے اعزازمیں عشائیہ بھی دیں گے۔

واضح رہےکہ گزشتہ روز آصف زرداری کی پی ڈی ایم کے سربراہ مولانا فضل الرحمان سے ملاقات ہوئی تھی ، جس میں تحریک عدم اعتماد کو کامیاب بنانے کیلئےمختلف آپشنز پر مشاورت کی گئی۔

اس کے علاوہ پی ٹی آئی کے ناراض ارکان کواعتماد میں لینے پر بھی اتفاق کیا گیا۔

اپوزیشن کا حکومت کے خلاف بڑا اقدام، صدر کے مواخذے کا منصوبہ

اپوزیشن نے حکومت کے خلاف ایک اوربڑا اقدام اٹھانے کا فیصلہ کرلیا۔

ذرائع کے مطابق وزیراعظم عمران خان کے خلاف عدم اعتماد کی تحریک کے ساتھ  اب صدر مملکت ڈاکٹرعارف علوی کا مواخذہ کرنے کا بھی منصوبہ کر لیا ہے۔

اپوزیشن نے ہر ایوان میں شو آف پاور کے ساتھ ساتھ  مرکز اور پنجاب میں بھی بیک وقت عدم اعتماد کی تحریک لانے کا فیصلہ کر لیا۔

ذرائع کے مطابق اپوزیشن کے ٹرائیکا کی کمان سابق صدر آصف زرداری کے پاس ہے،سابق صدر نے صدر ڈاکٹرعارف علوی کے مواخذے پر پی ڈی ایم کے سربراہ مولانا فضل الرحمان کوبھی منا لیا ہے۔

یہ بھی پڑھیں : آپریشن ردالفساد کے 5 سال مکمل

آج اپوزیشن مسلم لیگ ن کے صدر اور قومی اسمبلی میں اپوزیشن لیڈر شہباز شریف کو اعتماد میں لیں گے۔

اس کے ساتھ ساتھ اپوزیشن اراکین کو بیرون ملک سے واپس آنے کی بھی ہدایت کر دی گئی۔

اسلام آباد میں اپوزیشن اپنی طاقت کا مظاہرہ بھی کرے گی۔

اپوزیشن ذرائع کا دعویٰ ہےکہ مارچ کے پہلے ہفتے میں عدم اعتماد کی تحریک پیش کرنے پر مشاورت جاری ہے۔

یہ بھی پڑھیں: پاکستان عالمی سطح پر کسی گروپ کا حصہ نہیں، وزیراعظم

یہ بھی پڑھیں: اپوزیشن کا حکومت کے خلاف بڑا اقدام، صدر کے مواخذے کا بھی منصوبہ