بی جے پی نے بھارت میں صرف شمشان گھاٹ بنائے، اروند کیجروال

ویب ڈیسک

23rd Feb, 2022. 08:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بی جے پی نے بھارت میں صرف شمشان گھاٹ بنائے، اروند کیجروال

عام آدمی پارٹی کے سربراہ اروند کیجروال نے کہا کہ بھارت میں بی جے پی نے اپنے دور حکومت میں بھارت میں صرف شمشان گھاٹ بنائے۔

نئی دہلی کے وزیراعلیٰ اور عام آدمی پارٹی کے سربراہ اروند کیجر وال نے کہا کہ اسکول اور اسپتال بنانے کے لئے عام آدمی پارٹی کو ووٹ دیں۔

اروند کیجر وال یوپی کے سنت کبیر نگر کے خلیل آباد اور رودھولی میں انتخابی مہم میں حصہ لے رہے ہیں۔

بھارتی میڈیا کے مطابق انہوں نے کہا کہ گزشتہ انتخابات میں بی جی پی نے کہا تھا کہ اگر یوپی میں قبرستان بن رہے ہیں تو شمشان گھاٹ بھی ضرور بنیں گے۔

کیجروال نے کہا کہ اب ملک میں بہت شمشان گھاٹ بن چکے ہیں ، عوام اسپتال اور اسکول بنانے کے لئے عام آدمی پارٹی کو ووٹ دیں۔

اروند کیجروال نے مزید کہا کہ بی جے پی صرف شمشان گھاٹ ہی بنا سکتی ہے، اور عوام کو شمشان گھاٹ ہی پہنچا سکتی ہے، کورونا کے دوران اترپردیش میں بہت اموات ہوئیں اور لاشیں دریا میں بہہ گئیں مگر انہیں شمشان گھاٹ بھی نصیب نہیں ہوا۔

عام آدمی پارٹی کے کنوینرنے کہا کہ اتر پردیش میں یوگی حکومت نے جس قدر بدانتظامی کی ہے، اس سے پوری دنیا میں ہندوستان کا چہرہ مسخ ہوگیا ہے۔