صحت کا تعلق اس غذا پرہے جو آپ کھاتے ہیں اسی لئے اس کا تازہ ہونے بے حد ضروری ہے، ان میں گوشت، مچھلی، سبزیاں اور پھل شامل ہیں، لیکن کبھی آپ نے غور کیا ہے کہ یہ تمام غذائیں آپ ہمیشہ ہی تازہ خرید کر لاتے ہیں؟ تواس جواب یقیناً نہیں میں ہوگا۔

اکثردیکھا گیا ہے کہ تازہ اور باسی غذاؤں کوایک ساتھ رکھ دیا جاتا ہے جن کی پہچان قدرے مشکل ہوجاتی ہے اور ساتھ باسی غذا کھانے سے کئی طرح کی بیماری کے خدشات بھی جنم لے سکتے ہیں۔ یہاں پر ایسی ہی چندغذاؤں کی خریداری کے لئے آسان طریقے بتائیں جارہے ہیں جن کی مدد سے آپ کبھی باسی غذا نہیں خریدیں گے۔

مچھلی

مچھلی کا شمار ایک ایسی غذا میں ہوتا ہے جس کے تازہ ہونے کی پہچان سب سے مشکل ہوتی ہے ایک تو اس کی سب سے بڑی وجہ یہ ہے کہ یہ بہت کم خریدی جاتی ہے دوسرا یہ تازہ اور باسی ملا کر فروخت کی جاتی ہے۔

اس کے تازہ ہونے کی پہچان یہ ہے کہ اس میں کبھی تیز ناگوار بو نہیں آئے گی بلکہ ہلکی سی بو ہوگی جو آپ کو متوجہ کرے گی۔ تازہ مچھلی کے گلپھڑے ہمیشہ سرخ یا گلابی ہوں گے جبکی منجمد مچھلی کی بو بھی تازہ مچھلی کی طرح کی ہونی چاہئے، کوشش کریں اسے خریدنے کے بعد فوراًاستعمال کر لیں جبکہ منجمد مچھلی کو فریزر میں کافی عرصے کے لئے محفوظ کیا جاسکتا ہے۔

گوشت

گوشت کی خریداری میں کافی محتاط رویہ اپنانے کی ضرورت ہے کیونکہ اس کے تازہ ہونے کی پہنچان بھی قدرے مشکل ہوتی ہے اسی لئے آپ کو گوشت کی خریداری میں کئی طرح کے عوامل پر نظر رکھنی پڑتی ہے جیسے رنگت ، بو یہاں تک اسے چھونے کی صورت میں جومحسوس ہوتا ہے یعنی تازہ گوشت ہمیشہ ٹھوس ہوتا ہے جب آپ اسے دباتے ہیں تویہ تیزی سے واپس اصلی شکل میں آجاتا ہے۔

دودھ

دودھ کے تازہ ہونے کی پہچان اس کی رنگت اور ذائقہ کی بنیاد کیا جاتا ہے اور یہ دونوں کام آپ اس کی خریداری کے بعد ہی کر سکتے ہیں، تاہم دودھ کی دکان پر اس کی رنگت کو ضرور دیکھا جاسکتا ہے جو سفید رنگ تھوڑا سا زردی مائل ہوتا ہے۔

اناج

اناج کی خراب ہونے کی ایک معیاد ضرور ہوتی ہے، جیسے مکئی، گندم، چاول اور جئی کو اگر فریج میں رکھا جائے تو یہ کئی ماہ تک استعمال کے قابل رہتے ہیں لیکن اگر یہ باہر رہیں تو صرف ایک ماہ تک ہی استعمال کئے جاسکتے ہیں۔

بیگن

تازہ بیگن کی پہچان نہایت آسان ہے اس کے تنے کو دیکھیں اگر یہ سبز ہے تو جان لیں بیگن تازہ ہیں اور ان کی رنگت بھوری یا سرخی مائل ہو گئی ہے تو یہ استعمال کے قابل نہیں رہے۔