فیصل جاوید خان نے کہا ہے کہ اپوزیشن کی یہ تحریک کبھی بھی کامیاب نہیں ہو گی۔
پی ٹی آئی کے رہنما فیصل جاوید خان نے لندن میں میڈیا سے گفتگو کرتے ہوئے کہا کہ وزیراعظم پاکستان کا دورہِ روس پہلے سے تہہ شدہ تھا آپوزیشن اس حوالے سے اپنی سیاست نہ چمکائے۔
فیصل جاوید خان نے کہا کہ ہم اب بھی تمام ممالک کے ساتھ کھڑے ہیں، ہم کہتے ہیں اپوزیشن کل نہیں آج تحریک عدم اعتماد لے کر آئیں ان کو منہ کی کھانی پڑے گی۔
پی ٹی آئی کے رہنما کا کہنا تھا کہ ہمارے سارے اتحادی ہمارے ساتھ ہیں کوئی کہیں نہیں جا رہا، اپوزیشن کچھ بھی کر لے عمران خان 2023 تک وزیراعظم رہیں گے۔
فیصل جاوید خان نے کہا کہ ہم مانتے ہیں کوویڈ کی وجہ سے پاکستان میں مہنگائی ہے لیکن اب حالات بہتر ہورہے ہیں ہم مہنگائی پر قابو پالیں گے۔
ان کا کہنا تھا کہ نواز شریف کو اگر ہم این آر او دے دیں وہ بلکل صحت مند ہو جائیں گے، اپوزیشن کی یہ تحریک کبھی بھی کامیاب نہیں ہوگی۔
یوکرین میں موجود پاکستانیوں کے حوالے سے پی ٹی آئی کے رہنما فیصل جاوید خان کا مزید کہنا تھا کہ یوکرین میں پھنسے تمام پاکستانی شہریوں کو باحفاظت نکالنے کو کوشش کر رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
