سندھ انسانوں کے رہنے کی بدترین جگہ ہے، مصطفیٰ کمال

ویب ڈیسک

25th Feb, 2022. 11:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ انسانوں کے رہنے کی بدترین جگہ ہے، مصطفیٰ کمال

مصطفیٰ کمال نے کہا ہے کہ سندھ انسانوں کے رہنے کی بدترین جگہ ہے۔

پاک سرزمین پارٹی کے چیئرمین مصطفیٰ کمال نے حیدر آباد میں پارٹی اجتماع سے خطاب کرتے ہوئے کہا کہ کارکنان کو 6 دن کے دھرنے میں کامیابی پر خراج تحسین پیش کرتا ہوں۔

مصطفیٰ کمال نے کہا کہ آج سندھ میں کوئی ایسی جماعت نہیں جو لوکل گورنمنٹ پر بات نہ کر رہی ہو، 5 سال قبل جو ہمارے 16 نکات تھے وہ آج تمام پارٹیز کہہ رہی ہیں۔

ان کا کہنا تھا کہ 10 ہزار ارب خرچ ہوگئے ، پھر بھی سندھ انسانوں کے رہنے کی بدترین جگہ ہے جبکہ49 ہزار میں سے 11 ہزار اسکول گھوسٹ ہیں ، پہلے ٹیچر گھوسٹ ہوتے تھے اب اسکول ہی گھوسٹ ہوگئے۔

مصطفیٰ کمال کا یہ بھی کہ پیپلزپارٹی کے دور میں معصوم عورتوں اور بچوں پر گولیاں چلائی گئیں جبکہ جو بھی کردار والا انسان تھا یا وہ چھوڑ گیا یا مارا گیا ، جب تک اختیارات ہر یوسی تک نہیں آئیں گے، تبدیلی نہیں آئے گی۔

پاک سرزمین پارٹی کے چیئرمین مصطفیٰ کمال کا مزید کہنا تھا کہ ہم جائزہ لے رہے ہیں کہ جو باتیں کی تھیں اس پر کتنا عمل ہوا ، ہم نے احتجاج مؤخر کیا ہے اگر باتیں نہیں مانی گئیں تو پھر لائحہ عمل بنائیں گے۔