گورنر پنجاب چوہدری محمد سرور کا کہنا ہے کہ  پاکستان میں ٹیلنٹ کی کمی نہیں صرف اپنی سمت درست کرنے کی ضرورت ہے۔

تفصیلات کے مطابق  گورنر پنجاب چوہدری محمد سرور نے کنگ ایڈورڈ میڈیکل یونیورسٹی میں مقبول احمد بلاک کا افتتاح کر دیا ہے،   1 ارب 10کروڑ سے تعمیر ہونے والے بلاک کے تمام اخراجات اورسیز پاکستانی ڈاکٹر مقبول احمد اور انکے اہل خانہ نے فراہم کیے ہیں۔

 گورنر پنجاب چوہدری محمد سرور نے کہا کہ ہم سب کو سب سے پہلے ملک وقوم کے فاٹدہ کے لیے سوچنا اور کام کرنا چاہیے کیونکہ انسان کی زندگی کا میعار بڑا عہدہ اور دولت نہیں انسانیت کی خدمت ہے۔

چوہدری محمد سرور کا کہنا تھا کہ تاریخ میں صرف انسانیت کی خدمت کرنیوالوں کے نام زندہ رہتے ہیں، اللہ تعالیٰ نے جس کو دولت دی وہ انسانیت کی خدمت نہ کرے وہ سب سے بڑا کنجوس ہوتا ہے.

انہوں نے کہا کہ پاکستان میں ٹیلنٹ کی کمی نہیں صرف اپنی سمت درست کرنے کی ضرورت ہے، اگر ہم اپنی سمت درست کرلے تو دنیا کی کوئی طاقت ہمیں شکست نہیں دے سکتے.

گورنر پنجاب نے کہا کہ  اورسیز پاکستانی ملک قوم کاسرمایہ ہیں ہم انکے ساتھ کھڑے ہیں ، پاکستان پر جب بھی مشکل وقت آتا ہے تو اورسیز پاکستانی ملک وقوم کے ساتھ کھڑے ہوتے ہیں۔

دوسری جانب پروفیسر ڈاکٹر مسعود گوندل نے کہا کہ انسانیت کی خدمت کے لیے کام کرنے والے ہمارے ہیروز ہیں۔