پی ایس ایل 7 کی اختتامی تقریب آج شام 6 بجے ہوگی

ویب ڈیسک

27th Feb, 2022. 02:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل 7 کی اختتامی تقریب آج شام 6 بجے ہوگی

لاہور: پی ایس ایل 7 کا فائنل آج ملتان سلطانز اورلاہور قلندرز کی ٹیموں کے درمیان کھیلا جائے گا۔

پاکستان سپر لیگ (پی ایس ایل) سیزن 7 اپنے اختتام کو پہنچ گیا ہے جس کا فائنل آج ملتان سلطانز اورلاہور قلندرز کی ٹیموں کے درمیان کھیلا جائے گا۔

میچ سے قبل پی ایس ایل کی کلوزنگ کرٹین یعنی اختتامی تقریب شام 6 بجے منعقد ہوگی جبکہ میچ شام 7:30 بجے شروع ہوگا۔

یہ بھی پڑھیں: پی ایس ایل 7 فائنل: کس کا پلڑا بھاری، ملتان یا لاہور؟

فینز کے لئے قذافی اسٹیڈیم کے دروازے چار بجے کھول دیئے جائیں گے جبکہ پی سی بی نے فینز سے درخواست کی ہے کہ وہ 6 بجے سے اسٹیڈیم میں موجود ہوں۔

ملتان سلطانز ایونٹ میں 11 میچز کھیل چکی ہے جس میں انہیں صرف ایک میچ میں شکست کا سامنا کرنا پڑا ہے جبکہ انہیں صرف لاہور قلندرز کے ہاتھوں ہی شکست ہوئی ہے۔

دوسری جانب لاہور قلندرز کی ٹیم نے ایونٹ میں 12 میچز کھیلے ہیں جس میں انہیں 8 میچز میں کامیابی حاصل ہوئی ہے جبکہ لاہور قلندرز کی ٹیم پلے آف مرحلے کا دوسرا ایلیمنٹری میچ اسلام آباد یونائیٹڈ سے جیت کر فائنل میں پہنچی ہے۔

یہ بھی پڑھیں: پی ایس ایل 7 فائنل: بازی پلٹنے والے کھلاڑی؟

واضح رہے کہ دونوں ٹیمیں ایونٹ میں اب تک تین مرتبہ مدمقابل آچکی ہیں جس میں دو میچز ملتان سلطانز اورایک میچ لاہورقلندرز نے جیتا ہے۔