عالمی فٹ بال کی تنظیم فیفا نے کہا ہے کہ روس کی ٹیم فیفا کے ایونٹس میں بنا نام کے شرکت کرے گی، اور تمام میچزنیوٹرل مقامات پر کھیلے گی۔

یوکرین پر روسی افواج کی جارحیت کے بعد عالمی سطح پر روس کو مختلف پابندیوں کا سامنا ہے ، تجارتی اور مالیاتی پابندیوں کے علاوہ روس پر کھیلوں کے دروازے بھی بند کر دیئے گئے ہیں۔

پولینڈ اور روس کے مابین ہونے والا ورلڈ کپ کوالیفائر میچ بھی منسوخ کر دیا گیا ، تو دوسری طرف چمئینز لیگ کی فائنل کی میزبانی بھی روس سے واپس لے لی گئی ہے۔

رشین گراں پری فارمولا ون کار ریس کا انعقاد بھی منسوخ کر دیا گیا ہے۔

فٹ بال کی عالمی تنظیم فیفا نے بھی روس کے خلاف پابندی کا اعلان کر دیا ہے، فیفا کے ترجمان کے مطابق اب روس کی فٹ بال ٹیم بنا نام کے ایونٹ میں حصہ لے سکی گی۔

فیفا کے ترجمان کے مطابق روس کی فٹ بال ٹیم اب روس کے نام کے بنا ’فٹ بال یونین آف رشیا‘ کے نام سے شرکت کر سکتی ہے۔

فیفا ترجمان کا کہنا تھا کہ روس کی فٹ بال ٹیم اب نہ روس کا جھنڈا استعمال کر سکتی ہے اور نہ ہی روس کا قومی ترانہ استعمال کیا جا سکتا ہے۔

دنیا بھر کے مختلف ممالک نے بھی روس کے ساتھ کھیلنے سے منع کر دیا ہے، جس میں انگلینڈ ایند ویلز، پولینڈ، چیک ری پبلک اور سوئیڈن بھی شامل ہے۔

فیفا کے اس فیصلے پر پولینڈ فٹ بال ایسوسی ایشن کے صدر نے کہا کہ یہ فیفا کا یہ فیصلہ ناقابل منظور ہے، جبکہ چیک ری پبلک نے بھی روس کے ساتھ کسی بھی طرح سے میچ کھیلنے سے صاف منع کر دیا ہے۔

سوئیڈن کی فٹ بال فیڈریشن کے صدر نے کہا کہ ہم فیفا کے اس فیصلے سے مطمئن نہیں ہیں۔