ہالی ووڈ کی ایڈونچر فلم سیریز جمانجی کے تیسرے حصے ’جمانجی دی نیکسٹ لیول ‘  کا برلن اور لندن میں رنگا رنگ پریمئیر ہوا۔

فلم کے رنگا رنگ پریمئیر میں دی راک ڈیوائن جانسن سمیت اسٹار کاسٹ نے شرکت کی اور خوب جلوے بکھیرے۔

 فلم کی کہانی وڈیو گیم میں قید دلچسپ کرداروں کے گرد گھومتی ہے اس بار فلم میں ڈیوائن جانسن کے علاوہ نک جونس بھی اہم کردار میں نظر آئیں گے۔

جیک کسدان کی ہدایتکاری میں بننے والی اس فلم کی کہانی وڈیو گیم میں قید دلچسپ کرداروں کے گرد گھومتی ہے جس میں ڈیوائن جانسن کے علاوہ نک جونس، جیک بلیک، کیون ہارٹ، کیرن گیلن بھی اہم کردار میں نظر آئیں گے۔

یاد رہے کہ 2017 میں اس فلم نے دنیا بھر میں 96 کروڑ ڈالرز سے زائد کا بزنس کیا تھا۔

 1995 کی فلم جمانجی 2 بچوں کے گرد  ہے، جو جومانجی نامی ایک گیم کی وجہ سے اس کی دنیا کا حصہ بن جاتے ہیں اور بڑی مشکل سے اس گیم کو ختم کرنے کے بعد اپنی دنیا میں واپس پہنچتے۔

سب سے بڑا ٹوئیسٹ یہ ہے کہ اس بار دی راک کا کردار گزشتہ فلم کے نجوان کی بجائے اس کے دادا ادا کررہے ہیں جبکہ وہ نوجوان پراسرار طور پر کہیں غائب ہوگیا۔

تاہم 2017 میں فلم کے سیکوئل میں کہانی تبدیل کی گئی ہے، سیکوئل میں 4 نوجوانوں کو ’جمانجی‘ گیم کھیلتے ہوئے دکھایا گیا ہے، یہ نوجوان گیم کھیلتے وقت اپنے پسند کے کرداروں کا انتخاب کرتے ہیں۔

تاہم کھیل کا آغاز ہوتے ہی یہ چاروں خود اس ویڈیو گیم کی دنیا جو کہ ایک جنگل ہے میں داخل ہوجاتے اور اپنے پسند کیے کردار کا روپ دھار لیتے ہیں۔

 ایڈونچر سے بھرپور فلم تیرہ دسمبر کو ریلیز کی جائے گی۔