ایک تحقیق میں بتایا گیا ہے کہ ادھیڑ عمر میں خود کو فِٹ رکھنے سے الزائمر کا مرض ہونے کے خطرات ایک تہائی حصے تک کم ہو سکتے ہیں۔

دل اور پھیپھڑوں کی معمولی سی بہتری بھی بڑی حد تک سود مند ثابت ہو سکتی ہے۔

تحقیق میں 61 سال کی اوسطاً عمر والے 6 لاکھ 49 ہزار 605 افراد کا تجزیہ کیا گیا۔

تحقیق میں معلوم ہوا کہ وہ افراد جو زیادہ فِٹ تھے ان میں الزائمر کا مرض ہونے کے خطرات کم صحت مند لوگوں کی نسبت 33 فی صد کم تھے۔

امریکا کے واشنگٹن وی اے میڈیکل سینٹر کے ڈاکٹر ایڈورڈ زمرینی، جو تحقیق کے مصنف بھی ہیں، کا کہنا تھا کہ یہ دیکھنا دلچسپ تھا کہ فٹنس کا زیادہ ہونا مرض کے کیسز کی شرح میں کمی آئی تھی۔

انہوں نے کہا کہ اس تحقیق کی ایک دلچسپ دریافت یہ تھی کہ جتنی لوگوں فٹنس بہتر ہوئی ان میں الزائمر کے مرض کا خطرہ اتنا کم ہوا۔

انہوں نے مزید کہا کہ لہٰذا لوگ اپنی جسمانی فٹنس کو بہتر کرنے پر کام کرتے ہوئے ممکنہ طور پر اس سے متعلقہ الزائمر کے مرض کے خطرے کو کم کر سکتے ہیں۔

ان کا کہنا تھا کہ یہ خیال کہ آپ صرف اپنی سرگرمیاں بڑھا کر الزائمر کے مرض کے خطرات کو کم کر سکتے ہیں، بہت حوصلہ افزا ہے۔ بالخصوص تب جب اس مرض سے بچنے یا روکنے کے لیے کوئی مناسب علاج موجود نہیں ہے۔