بھارتی اسٹریمنگ ویب سائٹ زی فائیو گلوبل اداکارہ صبا قمر اور نعمان اعجاز کی نئی سیریز مسز اینڈ مسٹر شمیم کے پریمئیر کا اعلان کر دیا۔

رپورٹ کے مطابق زی فائیو گلوبل کی جانب سے زندگی اوریجنل مسز اینڈ مسٹر شمیم کے دنیا بھر میں پریمئیر کا اعلان کر دیا گیا، خوبروپاکستانی اداکارہ صبا قمر اور نعمان اعجاز کی یہ سیریز 11 مارچ 2022 کو دیکھی جا سکے گی۔

 یہ سیریز ناظرین کیلئے سچی محبت کی اصل تصویر پیش کرتی ہے جس میں دکھایا گیا ہے کہ تعلقات اور دوستی کے احساس سے ہی محبت کا رشتہ جُڑا ہے۔

زندگی کی جانب سے ریلیز ہونے والی اوریجنل ’مسز اینڈ مسٹر شمیم‘سچی محبت کی کہانی ہے جو ایک تعلق اور دوستی کے احساس کے ساتھ شروع ہوتی ہے، پاکستان کے معروف ٹیلی ویژن ڈائریکٹر کاشف نثار اس کے ہدایتکار ہیں جو کہ اس سے پہلے کئی آرٹسٹک ڈرامہ سیریز کی ہدایات دیے چکے ہیں۔

ہدایتکار کاشف نثار نے سیریز پر روشنی ڈالتے ہوئے کہا کہ ’یہ شمیم کی کہانی ہے جو مکمل طور پر عورتوں جیسی خصوصیات کا حامل ہے جبکہ عمیمہ صاف گو اور بولڈ انداز کی خصوصیات رکھتی ہے ان کی شخصیات کے واضح فرق کے باوجود ان کے درمیان محبت احترام اور اپنے پن کا خوبصورت جذبہ پیدا ہوجاتا ہے ‘۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Naumaan Ijaz (@m_naumaanijazofficial)

اس شو کی کہانی سجیع گل نے لکھی ہے جن کا شمار پاکستان کے نمایاں ڈرامہ نگاروں میں ہوتا ہے۔

واضح رہے کہ مذکورہ ویب سیریز کا اعلان زی فائیو نے پہلے ہی کردیا تھا مگر پہلے اس کا نام من جوگی رکھا گیا تھا لیکن اب اس کا نام تبدیل کرکے مسز اینڈ مسٹر شمیم کردیا گیا ہے جو کہ 11 مارچ کو ریلیز کی جائے گی۔