جیسن رائے نے آئی پی ایل کھیلنے سے انکار کر دیا

ویب ڈیسک

01st Mar, 2022. 08:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جیسن رائے نے آئی پی ایل کھیلنے سے انکار کر دیا

انگلش ٹیم کے بیٹسمین جیسن رائے نے انڈین پریمئیر لیگ سیزن 15 میں شرکت کرنے سے معذوری ظاہر کر دی ہے۔

انگلش بیٹر 31 سالہ جیسن رائے نے سماجی رابطے کی ویب سائٹ ٹوئٹر پر اپنا ایک پیغام شئیر کیا ہے جس میں انہوں نے آئی پی ایل میں عدم شرکت کا کہا ہے۔

جیسن رائے آئی پی ایل سیزن 15 میں پہلی بار شرکت کرنے والی فرنچائز گجرات ٹائٹینز کا حصہ ہیں۔

برطانوی میڈیا کو انٹرویو دیتے ہوئے جیسن رائے نے کہا کہ گزشتہ دو سال سے میں کووڈ پابندیوں اور متعدد بائیو سیکیور ببلز کا حصہ رہا ہوں اب تھک گیا ہوں۔

Advertisement
IPL 2022. pic.twitter.com/fZ0LofBgSE
— Jason Roy (@JasonRoy20) March 1, 2022

جیسن رائے نے کہا کہ ان دو سالوں میں اپنی فیملی کو وقت نہیں دے پایا، میں اب کچھ وقت اپنی فیملی کو دینا چاہتا ہوں۔

جیسن رائے نے مزید کہا کہ میں نے یہ محسوس کیا ہے کہ اپنی بیوی اور بیٹے کے ساتھ رہنے کا یہی صحیح وقت ہے۔ انہوں نے اپنے ٹوئٹ میں گجرات ٹائٹینز کے مداحوں سے بھی معذرت کی۔

آئی پی ایل میں ان کی عدم شرکت پر ابھی تک ان کی فرنچائز کا بیان سامنے نہیں آیا ہے۔

واضح رہے کہ جیسن رائے کو گجرات ٹائٹینز نے جیسن رائے کو دو لاکھ 66 ہزار ڈالرز میں اپنی ٹیم کے لئے خریدا ہے۔