پاک بھارت آبی مذاکرات، بھارت کی متنازعہ منصوبوں کے دورے کی یقین دہانی

ویب ڈیسک

02nd Mar, 2022. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بھارت آبی مذاکرات، بھارت کی متنازعہ منصوبوں کے دورے کی یقین دہانی

پاک بھارت آبی مذاکرات کا دوسرا دور اسلام آباد میں جاری ہے۔ اس دوران بھارت نے پاکستان کو متنازعہ منصوبوں کے دورے کی یقین دہانی کروادی ہے۔

تفصیلات کے مطابق پاکستان اور بھارت کے درمیان آبی مذاکرات کا دوسرا دور اسلام آباد میں جاری ہے۔ آبی مذاکرات دونوں ممالک کےانڈس واٹرکمشنرزکی سطح پرہو رہے ہیں۔ مذاکرات میں پاکستان نے بھارتی آبی جارحیت پرسوالات کھڑے کیے ہیں۔ پاکستانی حکام کا مؤقف ہے کہ سیلاب سے انسانی جانوں کےضیاع کا خدشہ ہے، اس نقصان کا ذمہ دارکون ہوگا، چناب پربننے والا متنازعہ منصوبہ کیرو پر بھی اعتراضات ہے۔

وزارت آبی وسائل کے حکام کا کہنا ہے کہ دریائے چناب پر کیرو پن بجلی منصوبہ سندھ طاس معاہدے کی خلاف ورزی ہے، پاکستان کو دریائے سندھ پر نیموں چلنگ ڈیم اور دریائے پونچھ پر مانڈی ڈیم کی تعمیر پر بھی اعتراض ہے۔

پاکستان کی جانب سے اعتراضات پر بھارتی وفد نے پاکستان کو بھارت میں متنازعہ منصوبوں کے دورے کی یقین دہانی کروا دی ہے۔

واضح رہے، گزشتہ روز سے پاکستان اور بھارت کے درمیان آبی تنازعات کے حل کیلئے مذاکرات شروع ہوگئے ہیں، مذاکرات میں پاکستانی وفد کی قیادت انڈس واٹر کمشنر مہر علی شاہ اور بھارت کی جانب سے مذاکرات کی قیادت انڈس واٹر کمشنر پی کے سکسینا کر رہے ہیں۔