آسٹریلین کیمپ میں بھی کورونا پہنچ گیا ہے ، بولنگ کنسلٹنٹ فواد احمد کا کورونا ٹیسٹ مثبت آ گیا ہے۔

آسٹریلین کرکٹ ٹیم میں بھی کورونا کے حملے شروع ہو چکے ہیں مقامی میڈیا کے مطابق آسٹریلیا کے اسپن بولنگ کنسلٹنٹ فواد احمد کا کرونا ٹیسٹ مثبت آنے کے بعد تشویش کا اظہار کیا جا رہا ہے۔

واضح رہے کہ فواد احمد پاکستان سپر لیگ سیزن 7 میں لاہور قلندرز کا حصہ تھے-

فواد احمد کو پانچ روز کے لئے آئسولیٹ کردیا گیا-

خبروں کے مطابق فواد احمد کا پانچ دنوں کے بعد دوبارہ پی سی آر ٹیسٹ کیا جائے گا اور دو بار منفی آنے کی صورت میں ہی آسٹریلین ٹیم کو جوائن کرسکیں گے-

پاکستانی فاسٹ بولر حارث رؤف بھی کورونا کا شکار ہوچکے ہیں اور اس وقت آئسولیٹ ہیں، ان کا بھی آئسولیٹ مدت ختم ہونے کے بعد پی سی آر ٹیسٹ کیا جئے گا اور ٹیسٹ منفی آنے کی صورت میں پاکستان ٹیسٹ ٹیم کا حصہ بنیں گے۔

پاکستان سپر لیگ سیزن 7 کے فائنل کی فاتح لاہور قلندر کے عاقب جاوید بھی کورونا کے باعث ہوٹل میں آئسولیٹ ہیں۔

گزشتہ روز سوشل میڈیا پر ایک وڈیو بھی وائرل ہوئی تھی جس میں لاہور قلندر کے شاہین شاہ آفریدی، حارث رؤف، فواد احمد پی ایس ایل جیتنے کے بعد ہوٹل میں عاقب جاوید سے ملے تھے-