یوکرینی کسانوں نے جدید ترین روسی میزائل سسٹم پھونک ڈالا

ویب ڈیسک

03rd Mar, 2022. 07:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوکرینی کسانوں نے جدید ترین روسی میزائل سسٹم پھونک ڈالا

سوشل میڈیا روس اور یوکرین کے درمیان چھڑی جنگ کی تصاویر اور ویڈیوز سے بھرا پڑا ہے۔

دنیا نے سوچا تھا کہ یوکرین روس کے لیے تر نوالہ ثابت ہوگا، لیکن کون جانتا تھا کہ یوکرین کی فوج تو بعد میں پہلے یوکرینی عوام ہی روسی افواج کو ناکوں چنے چبوا دے گی۔

سوشل میڈیا پر ایک ویڈیو خوب وائرل ہو رہی ہے، جس میں ایک روسی میزائل سسٹم کو آگ میں لپٹا دیکھا جاسکتا ہے۔

دعویٰ کیا جارہا ہے کہ ویڈیو میں موجود روسی میزائل سسٹم کو کچھ یوکرینی کسانوں نے آگ لگائی ہے۔

ٹینک سے اٹھتے شعلے بتا رہے ہیں کہ کروڑوں ڈالر کی لاگت سے بنا یہ میزائل سسٹم اب کسی کام کا نہیں رہا۔

روس کے خلاف لڑائی میں یوکرین کے شہری بھی شامل ہوچکے ہیں اور بہادری سے روسی افواج کا سامنا کر رہے ہیں۔

وائرل ویڈیو میں ایک یوکرینی شہری کو دیکھا جاسکتا ہے جس نے ایک روسی ٹینک پر قبضہ کیا ہوا ہے۔

ڈیلی اسٹار کی رپورٹ کے مطابق یوکرینی شہری کا دعویٰ ہے کہ روسی فوجی ان کی زمین سے بھاگ رہے ہیں اور انہوں نے اس ٹینک کو چھوڑ دیا ہے۔

یہ ویڈیو جنوبی یوکرین کے بشٹانک سٹی کی بتائی جارہی ہے۔

May be an image of 2 people and outdoors

جس میزائل سسٹم کو پھونکا گیا ہے، اس کی لاگت 15 ملین امریکی ڈالر تھی۔

May be an image of 1 person and outdoors

Pantsir-C Missile System میڈیم رینج میزائل اور اینٹی ایئرکرافٹ سسٹم سے لیس ہوتی ہے، جس کو روس کے، کے بی پی انسٹرومینٹ ڈیزائن بیورو کی جانب سے بنایا جاتا ہے۔