مائیکروسوفٹ ایج بظاہر ایک براؤزر ہے لیکن اب اس میں ایک نئے ٹول کا اضافہ کیا گیا ہے جس کی بدولت لیپ ٹاپ اور پی سی کی کارکردگی اور رفتار میں حائل مشکلات کا جائزہ لیا جاسکتا ہے۔

اسے پرفرمارنس ڈٹیکٹر فیچر کا نام دیا گیا ہے جو ایک سے زائد ٹیب کھلی ہونے کی صورت میں براؤزر کے ذریعے کمپیوٹر کی خبرگیری کرتا ہے اور اس میں موجود خرابیوں کو دور کرنے کی کوشش کرتا ہے۔

واضح رہے کہ کمپیوٹر کے مسائل بھی لاتعداد ہیں ان میں اول بیٹری یا بجلی کا خرچ، دوم پروسیسنگ اسپیڈ ہے اور سوم ملٹی پل ٹول کھولنے کی صورت میں کارکردگی خراب ہونے لگتی ہے۔

مائیکروسوفٹ ایچ کا پرفارمنس ڈٹیکٹر فیچر یہ بھی دیکھتا ہے کہ انٹرنیٹ کی بینڈوڈتھ پس منظر میں کہاں کہاں صرف ہورہی ہے۔ مائیکروسوفٹ کا براؤزر پاپ اپ کی صورت میں ان تمام خامیوں کو ظاہر کرتا ہے۔ لیکن اب بھی اس کی مزید تفصیلات سامنے آنا باقی ہے۔

دلچسپ بات یہ ہے کہ کمپیوٹر کے نقائص اور خراب کارکردگی دکھانے والے ٹول الگ سے لانچ کئے جاتے ہیں لیکن مائیکروسوفٹ نے اب اسے اپنے جدید براؤزر میں شامل کردیا ہے۔ اس طرح کسی اور فیچر کو لانچ کرنے کی ضرورت نہیں رہتی۔

اس کا سب سے بڑا فائدہ یہ ہے کہ بیٹری کی بچت ہوتی ہے  اور دوم آپ کا سسٹم تیزی سے کام کرتا رہتا ہے۔