اسلام آباد (فیاض محمود) نندی پور ریفرنس کیس میں اسلام آباد ہائیکورٹ نے سابق سیکریٹری قانون ڈاکٹر ریاض کو بری کر دیا۔ 

تفصیلات کے مطابق احتساب عدالتوں کے بعد اسلام آباد ہائی کورٹ  سے بھی نیب ترمیمی آرڈیننس پر ملزمان بری کر دیے گئے۔

سابق سیکریٹری قانون ڈاکٹر ریاض کی جانب سے بیرسٹر قاسم نواز عباسی اسلام آباد ہائیکورٹ میں پیش ہوئے۔

دورانِ سماعت اسلام آباد ہائیکورٹ نے ریمارکس دیے کہ نیب ریفرنس میں ملزم سابق سیکریٹری قانون ڈاکٹر ریاض پر مالی فائدہ لینے کا کوئی ثبوت نہیں ہے۔

اسلام آباد ہائیکورٹ نے کیس کی سماعت کرتے ہوئے کہا کہ نیب ریفرنس میں ڈاکٹر ریاض کے خلاف فراڈ یا بددیانتی کا بھی کوئی الزام نہیں۔ ڈاکٹر ریاض کے خلاف نندی پور ریفرنس کا مزید ٹرائل کرنا بے سود ہوگا۔

نندی پور ریفرنس میں شریک ملزمان پہلے ہی بری ہوچکے ہیں۔

چیف جسٹس اسلام آباد ہائیکورٹ کی سربراہی میں دو رکنی بینچ نے ڈاکٹر ریاض کو بری کیا۔

یہ خبر بھی پڑھیں

بلوچ اسٹوڈنٹس کے احتجاج میں شرکت پر درج مقدمے میں شیریں مزاری کی صاحبزادی ایمان مزاری اور دیگر کو گرفتار نہ کرنے کا تحریری حکم نامہ جاری۔

اسلام آباد ہائی کورٹ کے چیف جسٹس اطہر من اللہ نے 5 صفحات پر مشتمل تحریری حکم نامہ جاری کیا۔

خبر کی تفصیل پڑھیں