جمعیت علماء اسلام (ف) کے سربراہ مولا نا فضل الرحمن نے کہا ہے کہ آزادی مارچ نے حکمرانوں کو  ہلا کر رکھ دیا ہے،عوام کو بہت جلد سلیکٹڈ حکمرانوں سے نجات حاصل ہو جائے گی۔

 تفصیلات کے مطابق پشاور میں متحدہ اپوزیشن کے جلسے سے خطاب میں جمعیت علماء اسلام کے مرکزی امیر مولانا فضل الرحمان نے کہا کہ تمام اپوزیشن جماعتیں متحد ہیں اور اب میں ہٹنے والا نہیں کیونکہ پیچھے ہٹنا حرام ہے

  جمعیت علماء اسلام (ف) کے سربراہ نے کہا کہ گھبرانے کی ضرورت نہیں، ہم اس پاکستان میں کسی کے مزارع نہیں، ہم نے فرنگی سامراج کی حکومت تسلیم نہیں کی، ان کے خلاف بغاوت کی، یہ تو غلاموں کے غلام ہیں۔

جلسے سے خطاب کرتے ہوئے مولانا فضل الرحمٰن نے یہ بھی کہا کہ مہنگائی نے لوگوں کی زندگی اجیرن کردی ہے پورا ملک اور عوام خاص طور پر نوجوان مستقبل کے بارے میں اضطراب کا شکار ہیں۔

جمعیت علماء اسلام (ف) کے سربراہ کا کہنا تھا کہ  22 کروڑ عوام آج حکومت کی معاشی پالیسیوں کی وجہ سے بدحالی کے شکار ہیں جبکہ آئے روز کمڑ توڑ مہنگائی نے عوام کی قوت خرید  مکمل طور پر ختم کردی ہے

  مولا نا فضل الرحمن کا یہ بھی کہنا تھا کہ  عمران خان اپنی نااہلی آور کرپشن چھپانے کے لیے عدالت کے پیچھے چھپنے کی کوشش کررہے ہیں جبکہ بی آر ٹی آور فارن فنڈنگ کیس کی کرپشن نے تحریک انصاف کا پردہ چاک کر دیا ہے۔

 جمعیت علماء اسلام (ف) کے سربراہ مولا نا فضل الرحمن کا مزید کہنا تھا کہ حکمرانوں کی کشتی ڈوبنے کی قریب ہے،ایک کروڑ نوکریوں کی نوید سنائی گئی جبکہ پچیس لاکھ جوانوں سے روزگار چھینا گیااورہم ایسی ناجائز حکمرانی کو نہ تسلیم کرتے ہیں  اور نہ ہی چلنے دیں گے، ہماری تحریک حکومت کے خاتمے پر ہی مکمل ہوگی۔