فرش اور تولیے پر خون کے دھبے، شین وارن کی موت کا معاملہ اُلجھ گیا

ویب ڈیسک

06th Mar, 2022. 06:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فرش اور تولیے پر خون کے دھبے، شین وارن کی موت کا معاملہ اُلجھ گیا

تھائی لینڈ کے تفتیش کاروں کو مبینہ طور پر آنجہانی آسٹریلیائی کرکٹ لیجنڈ شین وارن کے کمرے کے فرش اور نہانے کے تولیے پر خون کے دھبے ملے ہیں۔

بھارتی ذرائع ابلاغ کے دعوے کے مطابق جزیرہ کوہ ساموئی میں مقیم شین وارن کے وِلا کی تلاشی کے دوران ان کے کمرے کے فرش اور تولیے پر خون کے دھبے ملے ہیں۔

خیال رہے کہ 52 سالہ وارن جمعہ کو دل کا دورہ پڑنے سے انتقال کر گئے تھے۔

ان کے منیجر نے آنجہانی کرکٹر کو ایمبولینس آنے سے 20 منٹ قبل ابتدائی طبی امداد کے طور پر سی پی آر دیا تھا۔

اتوار کو بھارتی ذرائع ابلاغ نے اسکائی نیوز کا حوالہ دے کر رپورٹ کیا کہ تفتیشی ٹیم کو فرش اور غسل کے تولیے پر خون کے دھبے ملے ہیں۔

رپورٹ میں یہ بھی کہا گیا ہے کہ آسٹریلوی حکام تھائی لینڈ پہنچ چکے ہیں اور ان کی لاش کو وطن واپس لانے کے لیے کام کر رہے ہیں۔

رپورٹ میں یہ بھی بتایا گیا کہ آسٹریلیا چھوڑنے سے پہلے شین وارن کو سینے میں درد ہوا تھا اور وہ دل کی بیماری اور دمہ میں مبتلا تھے۔

دریں اثنا وارن کی لاش کو پوسٹ مارٹم کے لیے تھائی مین لینڈ لے جایا گیا۔ ان کے خاندان کی جانب سے آسٹریلیا واپسی کو تیز کرنے کی درخواست کی گئی ہے۔