لاہور ہائیکورٹ نے عورت مارچ کے مظاہرے کے لیے دائر درخواست کو خارج کر دیا۔ 

تفصیلات کے مطابق کیس کی سماعت کرتے ہوئے جسٹس شاہد وحید لاہور ہائیکورٹ نے کہا کہ عورت مارچ کے احتجاج سے کسی نے نہیں روکا، اس درخواست کی ضرورت نہیں ہے۔

لاہور ہائی کورٹ نے نگہت سعید سمیت 10 افراد کی جانب سے دائر درخواست مسترد کر دی۔

درخواست گزارنے عدالت میں مؤقف پیش کیا کہ عورت مارچ کے احتجاج کے لیے انتظامیہ تعاون نہیں کر رہی۔ انتظامیہ نے عورت مارچ کو سیکیورٹی فراہم کرنے سے انکار کیا ہے۔

دائر درخواست میں یہ بھی مؤقف اپنایا گیا کہ انتظامیہ نے عورت مارچ کے شرکا کی سیکیورٹی مارچ انتظامیہ کے ہی ذمے ڈال دی ہے۔

درخواست میں عدالت سے استدعا کی گئی کہ عورت مارچ کی سیکیورٹی سے متعلق انتظامیہ کا جاری کیا گیا خط کالعدم کیا جائے۔

یہ خبر بھی پڑھیں

آئی جی پولیس پنجاب راؤ سردارعلی کیخلاف توہین عدالت کی درخواست پر لاہور ہائیکورٹ نے نوٹس جاری کر کے جواب مانگ لیا۔

جسٹس فیصل زمان خان نے وقاص احمد کی درخواست پر آج کیس کی سماعت کی۔

عدالت نے آئی جی کو درخواست گزار مرحوم باپ کی ملازمت دینے کے معاملے کا جائزہ لینے کا حکم دیا۔

درخواست میں مؤقف پیش کیا گیا کہ عدالتی احکامات کے باوجود درخواست گزار کی درخواست پر کوئی کارروائی نہیں کی گئی۔ عدالتی احکامات پر عمل نہ کرنے توہین عدالت کے زمرے آتا ہے۔

درخواست میں عدالت سے استدعا کی گئی کہ آئی جی پولیس پنجاب کیخلاف توہینِ عدالت کی کارروائی کی جائے۔